فوتو: تۋريزم جانە سپورت مينيسترلىگى
28 تامىز بەن 8 قىركۇيەك ارالىعىندا پاريجدە پاراليمپيادا ويىندارى وتەدى.
وسى ويىنداردىڭ اشىلۋ سالتاناتىندا ەل تۋىن وتىرىپ وينايتىن ۆولەيبولدان ازيا پاراليمپيادا ويىندارىنىڭ جۇلدەگەرى, قازاقستان چەمپيوناتىنىڭ ون دۇركىن جەڭىمپازى بەرىك ىزماعانبەتوۆ پەن پارا وق اتۋدان قازاقستان چەمپيوناتىنىڭ جەڭىمپازى سەۆدا اليەۆا ۇستايدى.
ولجاس بەكتەنوۆ كەزدەسۋدە ۇلتتىق پاراليمپيادا قۇراماسىنا تابىس تىلەدى.
«پاراليمپيادا – بۇل جاي عانا سپورت ەمەس, بۇل ادام بويىنداعى قايسار رۋح پەن شەكسىز ەرىك-جىگەردىڭ شىنايى كورىنىسى. سىزدەردىڭ جەڭىسكە دەگەن قۇشتارلىق, بەيبىت كۇننىڭ باتىرلارىنا ءتان قاھارماندىق قاسيەتتەرىڭىز قانداي قۇرمەتكە دە لايىق. ميلليونداعان ادام جانقيارلىق ەڭبەك پەن ءور مىنەزدەن شابىتتانىپ, ومىردەگى قيىندىقتاردى ەڭسەرۋدى ۇيرەنەدى. بۇگىن وزدەرىڭىزگە تابىس ەتىپ وتىرعان كوك تۋىمىز – ايبىندى رۋحىمىز بەن مىزعىماس بىرلىگىمىزدىڭ, جارقىن جەڭىستىڭ نىشانى. مەملەكەت باسشىسى الەمنىڭ ەڭ باستى سپورت سايىستارىندا ەل نامىسىن قورعاۋ مارتەبەلى مىندەت ءارى زور جاۋاپكەرشىلىك ەكەنىن ايتتى. سىزدەر حالىقارالىق ارەنادا قازاقستاندى لايىقتى دارەجەدە تانىتىپ, ەلىمىزگە جوعارى ناتيجە, جاڭا جۇلدەمەن ورالاتىندارىڭىزعا سەنىمدىمىز», دەدى ولجاس بەكتەنوۆ.
ايتا كەتەيىك, پاريجدەگى پاراليمپيادادا 44 ەل اتلەتى 9 سپورت تۇرىنەن جۇلدەگە تالاسادى.
