فوتو: twitter.com/MariaBranyas112
بۇل تۋرالى X (Twitter) الەۋمەتتىك جەلىسىندە مارقۇمنىڭ وتباسى مالىمدەگەن.
ماريا ومىردەن وزار الدىندا ۇزاق ءومىر ءسۇرۋدىڭ قۇپياسىن اشامىز دەگەن ۇمىتپەن زەرتتەۋشىلەر جۇرگىزگەن عىلىمي سىناقتاردان وتۋگە كەلىسكەنى بەلگىلى.
ايەل 1907 جىلى سان-فرانتسيسكودا بۋبوندى وبانىڭ ەكىنشى تولقىنى قىزىپ تۇرعان شاعىندا دۇنيەگە كەلگەن. كەيىنىرەك, 1915 جىلى ول يسپانياعا كوشىپ كەتكەن. ءوزىنىڭ 117 جاسىنا دەيىن ماريا بۋبوندى وبادان, ەكى دۇنيەجۇزىلىك سوعىستان, يسپان تۇماۋىنىڭ پاندەمياسىنان, يسپانياداعى ازاماتتىق سوعىستان جانە كوۆيد-19-دان امان قالدى. ول 1976 جىلى قايتىس بولعان كۇيەۋى دجوان مورەتپەن بىرگە وسىرگەن جالعىز ۇلىنىڭ ءولىمىن كورگەن.
باق ونىڭ ءومىرىنىڭ سوڭعى كۇندەرىنە دەيىن سەرگەك بولعانىن جانە ەسىن جوعالتپاعانىن جازادى.
كۇنى كەشە ول ءوزىن ءالسىز سەزىنگەن جانە وتباسىنان قايتىس بولعان كەزدە جىلاماۋدى ءوتىندى. سونداي-اق ول «قايدا جۇرسە دە» باقىتتى بولاتىنىنا ۋادە بەردى.
