سەرىك احمەتوۆتىڭ ءۇي قاماقتاعى مەرزىمى تاعى دا ۇزارتىلدى

استانا. 12 ماۋسىم. قازاقستاننىڭ بۇرىنعى پرەمەر-ءمينيسترى سەرىك احمەتوۆتىڭ ءۇي قاماقتاعى مەرزىمى 2015 جىلدىڭ 18 شىلدەسى كۇنگى ساعات 23:00-گە دەيىن ۇزاردى. بۇل تۋرالى قاراعاندى وبلىستىق سوتىنىڭ ءباسپاسوز قىزمەتى حابارلادى. حابارلامادا بۇگىن قاراعاندى قالاسىنىڭ قازىبەك بي اۋداندىق سوتىندا سەرىك نىعمەت ۇلىنا قاتىستى قىلمىستىق ءىس ماتەريالدارىمەن تانىسۋ بارىسىندا ءۇي قاماقتا ۇستاۋ مەرزىمىن ۇزارتۋ تۋرالى ءوتىنىش حات قارالعانى ايتىلعان. اتالعان سوتتىڭ 2015 جىلعى 12 ماۋسىمداعى قاۋلىسىمەن ءوتىنىش حات قاناعاتتاندىرىلدى. ايتا كەتەيىك, بۇرىنعى شەنەۋنىككە ءىرى كولەمدە مەملەكەت قاراجاتىن جىمقىردى جانە پارا الدى, قىزمەتىن اسىرا پايدالاندى, سونداي-اق, زاڭسىز كاسىپكەرلىكپەن اينالىستى دەگەن كۇدىك نەگىزىندە قىلمىستىق كودەكستىڭ 4-بابى بويىنشا 6 قىلمىستىق ايىپ تاعىلۋدا. سوعان سايكەس, 2014 جىلدىڭ 19 قاراشاسىنان 2015 جىلدىڭ 18 اقپانىنا دەيىن ءۇي قاماققا الىندى. كەيىن ءۇي قاماق مەرزىمى 2015 جىلدىڭ 18 ساۋىرىنە, 18 مامىرىنا جانە 18 ماۋسىمىنا دەيىن ءۇش رەت ۇزارتىلدى. ەلامان قوڭىر. دەرەك: قاراعاندى قالاسى قازىبەك بي اۋداندىق سوتىنىڭ ءباسپاسوز قىزمەتى. سۋرەت: egemen.kz.