فوتو: corporatefinanceinstitute.com
بانك رەيتينگىن راستاۋ ارقىلى Fitch Ratings اگەنتتىگى, قارجى ينستيتۋتىنا مەملەكەت تاراپىنان قولداۋ كورسەتىلۋ ىقتيمالدىعى جوعارى دەگەن پىكىر ءبىلدىردى.
Fitch Ratings پىكىرىنشە, وتباسى بانكىنىڭ نەسيە ساپاسى مىقتى, كاپيتالىنىڭ جوعارى جەتكىلىكتىلىك قورى مەن قاجەتتى وتىمدىلىك كولەمى بار.
بۇگىنگى كۇنى بانكتىڭ NPL دەڭگەيى وزگە ەكىنشى دەڭگەيلى بانكتەرمەن ء(ارى قاراي-ەدب) سالىستىرعاندا ەڭ تومەن كورسەتكىشتەردىڭ بىرىنە يە. كرەديتتىك پورتفەلدە تولەمدەرى 90 كۇننەن ارتىق كەشىكتىرىلگەن قارىزداردىڭ مولشەرى نارىق بويىنشا ورتاشا 3,09% دەڭگەيىندە بولسا, وتباسى بانكىندە ول 0,11%-عا تەڭ.
بانكتىڭ ەلىمىزدە بەرىلەتىن بارلىق يپوتەكالىق پورتفەلىندەگى ۇلەسى 53% تەڭ (2024 جىلعى 1 شىلدەدەگى دەرەكتەر بويىنشا). جىل باسىنان بەرگى 7 ايدا 34 713 بانك كليەنتى زاەم راسىمدەپ, قونىس تويىن اتاپ ءوتتى. بۇل رەتتە 27 619 نەسيە قازاقستاندىقتارعا نارىقتىق جاعدايلار بويىنشا تۇرعىن ءۇي ساتىپ الۋ ءۇشىن بەرىلدى. بۇل بانك كليەنتتەرىنىڭ 79,6%, ياعني وسىنشاما قازاقستاندىق مەملەكەتتىك باعدارلامالاردان تىس, العاشقى جارناسىن جيناپ, كوممەرتسيالىق نارىقتان قولجەتىمدى جاعدايمەن تۇرعىن ءۇي ساتىپ الۋ ءۇشىن يپوتەكا الدى دەگەن ءسوز.
قازاقستانداعى تۇرعىن ءۇي قۇرىلىس جيناقتارى جۇيەسىنە قاتىسۋشىلاردىڭ سانى 2,8 ملن ادامدى نەمەسە ەكونوميكالىق بەلسەندى حالىقتىڭ 29% قۇرايدى.
2024 جىلى ەلىمىزدەگى ەڭ تومەنگى پايىزدىق مولشەرلەمەمەن نەسيە الىپ, تۇرعىن ءۇي ساتىپ الۋ ءۇشىن وتباسى بانكىندە 277 220 قازاقستاندىق جاڭا سالىمدار اشتى.
ناتيجەسىندە تەڭگەدەگى ۇزاق مەرزىمدى قازاقستاندىق سالىمدارداعى بانكتىڭ ۇلەسى 33% قۇرايدى.
وتباسى بانكىندە دەپوزيتتى بانك كەڭەسشىلەرىنە جولىعىپ اشۋعا بولادى. سونداي-اق جيناق شوتىن قاشىقتان, بەينە-وپەراتور نەمەسە ءموبيلدى قوسىمشا كومەگىمەن دە اشۋعا مۇمكىندىك بار.
قازىر وتباسى بانك قازاقستاندىق ەدب اراسىندا اكتيۆتەر مەن مەنشىكتى كاپيتال بويىنشا 4-ورىندا.
