تالقىلاۋعا اتوم سالاسىنىڭ ساراپشىلارى, مەملەكەتتىك ورگانداردىڭ, جۇرتشىلىق پەن ازاماتتىق سەكتوردىڭ وكىلدەرى قاتىسادى. تالقىلاۋ شەڭبەرىندە ەلدىڭ ەنەرگيا قاۋىپسىزدىگىن قامتاماسىز ەتۋ, اەس قۇرىلىسىنا دايىندىق, سونداي-اق اتوم سالاسى ءۇشىن كادرلار دايارلاۋ ماسەلەلەرى قوزعالادى. ماماندار اتوم گەنەراتسياسى جانە يادرولىق تەحنولوگيالار تۋرالى اقپاراتپەن بولىسەدى.
ءىس-شارانى قازاقستان ازاماتتىق اليانسىنىڭ پرەزيدەنتى بانۋ نۇرعازيەۆا مەن استانا قالاسى قوعامدىق كەڭەسىنىڭ توراعاسى, ساياسي عىلىمدار دوكتورى, دوتسەنت زۋلفۋحار گايپوۆ مودەراتسيالايدى.
سپيكەرلەر ءسوز سويلەگەننەن كەيىن ازاماتتار وزدەرىن قىزىقتىراتىن تەحنولوگيالاردىڭ قاۋىپسىزدىگى بويىنشا دا, اەس قۇرىلىسىنىڭ الەۋمەتتىك-ەكونوميكالىق اسپەكتىلەرى بويىنشا دا سۇراقتار قويا الادى.
ەستەرىڭىزگە سالا كەتەيىك, 16 تامىزدا الماتىدا كوپشىلىك تالقىلاۋ ءوتتى. سول كەزدە قر ەڭبەك سىڭىرگەن ەنەرگەتيگى باقىتجان جاقساليەۆ قازاقستاننىڭ قولدانىستاعى ەنەرگەتيكالىق كەشەنى ەلدى ەلەكترمەن قامتاماسىز ەتۋ جونىندەگى ماڭىزدى مىندەتتەردى تولىق شەشە المايتىنىن اتاپ ءوتتى. ول ەلەكتر ەنەرگياسىن تەڭدەستىرىلگەن ءوندىرۋ عانا اعىمداعى قاجەتتىلىكتەردى قاناعاتتاندىرا الاتىنىن, ال قازاقستاندا اتوم ەلەكتر ستانتسياسىنىڭ جوباسىن ىسكە اسىرۋ تۇتىنۋشىلار ءۇشىن ەلەكتر ەنەرگياسىنىڭ قۇنىن تومەندەتۋگە اكەلەتىن ەكولوگيالىق تازا ەنەرگيانى قۇرۋعا العاشقى قادام عانا بولاتىنىن اتاپ ءوتتى.
2023 جىلعى 1 قىركۇيەكتە قر پرەزيدەنتى قاسىم-جومارت توقاەۆ ء«ادىل قازاقستاننىڭ ەكونوميكالىق باعدارى» اتتى قازاقستان حالقىنا جولداۋىن جاريالادى. مەملەكەت باسشىسى ءوز جولداۋىندا اتوم ەنەرگەتيكاسىن دامىتۋ اسا ماڭىزدى ەكونوميكالىق جانە ساياسي اسپەكت بولعانىن اتاپ ءوتتى. وسىعان بايلانىستى ول جالپىۇلتتىق رەفەرەندۋم وتكىزۋ ارقىلى اتوم ەلەكتر ستانتسياسىن سالۋ ماسەلەسىن شەشۋدى ۇسىندى.
2024 جىلدىڭ ماۋسىم ايىنىڭ سوڭىندا پرەزيدەنت توقاەۆ اەس سالۋ بويىنشا رەفەرەندۋم اعىمداعى جىلدىڭ كۇزىندە وتەتىنىن مالىمدەدى. ناقتى كۇندى قازاقستان ۇكىمەتى ايقىندايدى.
