“ورالمان” دەسە وڭ قاراپ, “ازامات” بولسا سول قارايتىن قانداي زاڭ؟

كەشە پارلامەنت سەناتىندا “قازاقستان رەسپۋبليكاسىنداعى ميگراتسيالىق ۇدەرىستەر مەن ميگرا­تسيا سالاسىنىڭ زاڭنامالارىن جەتىلدىرۋ پەرسپەكتيۆالارى” اتتى تاقىرىپتا عىلىمي-پراكتيكالىق كونفەرەنتسيا بولىپ ءوتتى. ونى سەناتتىڭ الەۋمەتتىك-مادە­ني دامۋ كوميتەتىنىڭ توراعاسى اقان بيجانوۆ اشىپ, جۇرگىزىپ وتىردى. العاشقى بولىپ قۇتتىق­تاۋ ءسوزدى پارلامەنت سەناتىنىڭ ءتور­اعا­سى قاسىم-جومارت توقاەۆ ايتتى. استاناداعى ەقىۇ ورتالىعى­نىڭ باسشىسى, ەلشى ا.كەلچەۆ­سكي ءماس­كەۋدىڭ حالىقارالىق قا­تى­ناستار ينستيتۋتىنىڭ پروفەس­سورى ا.كا­مەن­سكي جانە باسقالار سويلەپ, وسى ماسەلەنىڭ حالىقارا­لىق ماڭى­زى تۋرالى اڭگىمەلەدى. ال ەڭبەك جانە حالىقتى الەۋمەتتىك قورعاۋ ءمينيسترى گۇلشارا ءابدى­قالىقوۆا ميگراتسيالىق ۇدەرىستەر جانە ولارعا قولدانىلاتىن زاڭنا­مالاردى جەتىل­دىرۋ پەرسپەكتي­ۆا­­­لارى باعىتىن­دا بايانداما جاسادى. قازىر “حالىقتىڭ كوشى-قونى تۋرالى” جاڭا زاڭ جوباسى تالقى­لانۋ ۇستىندە ەكەنى بەلگىلى. اتال­مىش كون­فەرەنتسيا سول زاڭدى قابىل­داۋ الدىن­داعى ۇلكەن پىكىر الماسۋ ەكەنى داۋسىز. سونى بىلگەن ورالماندار­دىڭ رەسپۋب­ليكالىق “جەبەۋ” قوعام­دىق بىرلەستى­گىنىڭ ديرەكتورى راقىم ءايىپ ۇلى دەگەن ازامات تا وسىندا كەلىپ, ءوز پىكىر­لەرىن ورتاعا سالعىسى كەلگەن ەكەن, بىراق ءتۇر­لى سەبەپپەن ىشكە ەنە الماي قالىپ­تى. ونىڭ اي­تۋىنشا, جاڭا زاڭ جوبا­سى بويىنشا “ورالمان” مارتەبەسى ازامات­تىق العاننان كەيىن بىردەن جويىلادى ەكەن, قولدانىستاعى زاڭدا سولاي جانە سول كۇيى قالىپتى. راقىم ءايىپ ۇلىنىڭ ايتۋىنشا, بۇل دۇرىس ەمەس, ويتكەنى, بارلىق جەڭىلدىكتەر مەن ماتەريالدىق قولداۋلار بۇل جاعدايدا ازاماتقا بەرىلمەيدى. ال ورالمان كەزىندە قازاقستاننىڭ كومەگىن الىپ, ارتىنان ءىزىم-قايىم تايىپ تۇراتىن الاياقتار دا جوق ەمەس ەكەن. وسى سوزدەردى كون­فەرەن­­تسيادا سويلەگەن دۇنيەجۇزى قازاقتارى اسسو­تسيا­تسياسى توراعاسى­نىڭ ورىنبا­سارى ءسۇلتانالى بالعاباەۆ تا ايتتى. وسى­نىڭ ءوزى سىبايلاس جەمقورلىققا دا جول اشۋدا, دەدى ول. قانداي دا ءبىر جاساندى قۇجاتتارمەن كەلگەن بىرەۋ­لەرگە ورالمان, دەپ ملن.-داعان تەڭگە كولە­مىندە قولداۋ كورسەتىپ, ارتىنان وندايلاردىڭ جوق بولىپ كەتكەندەرى دە بار. وسى تۇرعىدا قىلمىستىق ىستەر دە قوزعالدى, بىراق زاڭ جوباسى سول قالپىندا قالىپ وتىر, دەدى ول. سونداي-اق كونفەرەنتسيادا سە­ناتور ا.باشماكوۆ, ءماجىلىس دەپۋتا­تى, زاڭ جوباسى جونىندەگى جۇمىس توبىنىڭ جەتەكشىسى ج.ءسۇ­لەيمەنوۆ جانە باسقالار سويلەدى. جاقسىباي سامرات.