فوتو: سقو قاجد ءباسپاسوز قىزمەتى
ول دەلدال ارقىلى سقو قىلمىستىق-اتقارۋ جۇيەسى مەكەمەلەرىنە ۇن جەتكىزۋ قىزمەتتەرىندە مەملەكەتتىك ساتىپ الۋ شارتىن جاساسۋعا جاردەمدەسكەنى ءۇشىن كاسىپكەردەن 1 ملن تەڭگە مولشەرىندە پارا الۋ بويىنشا كىنالى دەپ تانىلدى.
«سوت ۇكىمىمەن مۇستافينوۆ مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە لاۋازىم اتقارۋ قۇقىعىنان ءومىر بويىنا ايىرىلا وتىرىپ, 30 ملن تەڭگە مولشەرىندە, پارا بەرۋشى مەن دەلدال تيىسىنشە 20 ملن جانە 10 ملن تەڭگە كولەمىندە ايىپپۇلعا سوتتالدى», دەلىنگەن حابارلامادا.
ۇكىم زاڭدى كۇشىنە ەنگەن جوق.
بۇدان باسقا, ەنگىزىلگەن ۇسىنىمنىڭ ناتيجەلەرى بويىنشا ىشكى ىستەر ءمينيسترىنىڭ بۇيرىعىمەن ءتيىستى ۆەدومستۆولىق باقىلاۋدىڭ جانە پروفيلاكتيكالىق جۇمىستىڭ بولماۋى ءۇشىن قىلمىستىق-اتقارۋ جۇيەسى كوميتەتىنىڭ باسشىلىعى تارتىپتىك جاۋاپتىلىققا تارتىلدى.
اتاپ ايتقاندا, كوميتەت توراعاسى ادىلەت پولكوۆنيگى ت. جانىبەكوۆكە سوگىس, ونىڭ ورىنباسارى ادىلەت گەنەرال-مايورى م. ايۋباەۆقا, وزدىك قاۋىپسىزدىك, كادرلىق جۇمىس جانە تىلدىق قامتاماسىز ەتۋ باسقارمالارىنىڭ باستىقتارىنا قاتاڭ سوگىس جاريالاندى.
وسى بۇيرىقپەن مۇستافينوۆ تەرىس سەبەپتەرمەن ىشكى ىستەر ورگاندارىنان بوساتىلدى.
كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
