فوتو: اشىق دەرەككوز
انىقتالعانداي, ءوز-وزىنە قول جۇمساۋعا بەل بۋعانداردىڭ نەگىزگى بولىگى – 30 جاستان اسقان ادامدار. ولاردىڭ كوپشىلىگى (81,5%) قارالى كۇنى ىشىمدىك ىشپەگەن جانە ەسىرتكى قولدانباعان. ال, سالىستىرمالى تۇردە بالالاردىڭ سۋيتسيد جاساۋى از تىركەلگەن, اتاپ ايتقاندا, 112 جاعداي.
دەسە دە, ەلدە سوڭعى بىرنەشە جىلداعى سۋيتسيدتەن بولاتىن ءولىم-ءجىتىمنىڭ ستاتيستيكاسى جالپى جوعارى دەڭگەيدە. سونداي-اق ەكونوميكالىق دامىعان ەلدەرمەن سالىستىرعاندا ايتارلىقتاي جوعارى ەكەنى اتاپ ءوتىلدى.
ستاتيستيكا كورسەتكەندەي, قازاقستاندا سۋيتسيد كوبىنەسە ەرەسەك ەر ادامدار اراسىندا كەزدەسەدى ەكەن. مىسالى, بيىلعى جىلدىڭ قاڭتار-شىلدە ايلارىندا اياقتالعان سۋيتسيدتەردىڭ 74,9%-ى ەرەسەك ەر ادامدار اراسىندا بولعان. ءوز-وزىنە قول جۇمساۋدىڭ سەبەبىن ساراپشىلار دەپرەسسيا مەن باسقا دا پسيحيكالىق دەنساۋلىق پروبلەمالارىنىڭ نەگىزى دەپ سانايدى.
ايتا كەتەيىك, قازاقستاندا ءسۋيتسيدتى تەرگەۋ قىلمىستىق قۇرام تۇرعىسىنان جۇرگىزىلەدى. ىشكى ىستەر مينيسترلىگىنىڭ قىزمەتكەرلەرى قىلمىستىق قۇقىق بۇزۋشىلىق – ءوزىن-ءوزى ولتىرۋگە يتەرمەلەۋ بەلگىلەرى بولسا, ءىس قوزعايدى. 2024 جىلدىڭ جەتى ايىندا ءوز-وزىنە قول جۇمساۋعا ارەكەتتەنگەن نەمەسە اياقتالعان 4,5 مىڭ وقيعانىڭ 852-ءسى عانا قىلمىستىق ىسپەن اياقتالعان.
