ەلدىڭ ۇدەمەلى ىلگەرىلەۋى بارلىق ازاماتتىڭ جاسامپاز كۇش-جىگەرىنە بايلانىستى. ەگەر اركىم ءوز اۋماعىندا جۇمىسىن جاۋاپكەرشىلىكپەن جانە ساپالى ورىندايتىن بولسا, وندا ەل كەز كەلگەن ماقساتقا قول جەتكىزە الادى.
سىيلىقتىڭ باستاماشىلارى بۇل جوبانىڭ ماقساتى قوعامنىڭ ماڭىزدى سالالارىندا جۇمىس ىستەيتىن, وڭىرلەردەگى كىشى جانە ورتا بۋىن جاس مامانداردى كوتەرمەلەۋ ەكەنىن ايتادى. سونداي-اق بۇل سىيلىق الەۋمەتتىك ماڭىزى بار جانە جۇمىسشى كاسىپتەرىنىڭ بەدەلىن ارتتىرۋعا ىقپال ەتەرى انىق.
جەتى اتالىم بويىنشا وتكەن كونكۋرسقا 700-دەن اسا ءوتىنىم بەرىلگەن. ناتيجەسىندە, ءار اتالىم بويىنشا ەكى جەڭىمپازدان ماراپاتتالدى. اتاپ ايتساق, «Önerkäsıp» اتالىمى بويىنشا «وسكەمەن جەو» جشس قازاندىق جابدىعىنىڭ اعا ءماشينيسى ەرنۇر توقىشوۆ جانە «Qarmet» اق كومىر دەپارتامەنتى ەنەرگوكومىر بولىمشەسىنىڭ 4-رازريادتى جەراستى ەلەكتروسلەسارى رۋسلان عۇماروۆ لايىق دەپ تانىلدى.
«Janqiarlyq» اتالىمىندا الماتى وبلىسى ەڭبەكشىقازاق اۋدانى شەلەك پوليتسيا ءبولىمىنىڭ جەرگىلىكتى پوليتسيا قىزمەتى بولىمشەسىنىڭ ۋچاسكەلىك ينسپەكتورى ەرمەك اۋعامباەۆ پەن اقتوبە وبلىستىق توتەنشە جاعدايلار دەپارتامەنتىنىڭ مامانداندىرىلعان ءورت ءسوندىرۋ ءبولىمىنىڭ اعا ينجەنەرى جۇبانىش ساماتوۆ ماراپاتتالدى. ال ەكىباستۇز قالاسىنىڭ «گورۆودوكانال» مكك ينجەنەر-زەرتحاناشىسى الەكساندرا ەرجانوۆا مەن پاۆلودار قالاسىنىڭ «گسۋ قۇرىلىس» جشس سىلاقشى-بوياۋشىسى زارينا زكريانوۆا «Bızdıñ üi» اتالىمىندا «Jas كeñes sıylyğy»-نىڭ جەڭىمپازى اتاندى.
سونداي-اق «Kömek qoly» اتالىمىندا «قوعامدىق دەنساۋلىق ساقتاۋ» باعدارلاماسى بويىنشا «جمجم» قازاقستان مەديتسينالىق ۋنيۆەرسيتەتىنىڭ دوكتورانتى, الماتىلىق گۇلميرا مۇكاشەۆا مەن «جامبىل وبلىسىنىڭ جاستار ءماسليحاتى» قب توراعاسى ازامات نامەلبەك سىيلىق يەگەرى بولدى. الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ «جان سايا» داعدارىس ورتالىعى» كمم ارناۋلى الەۋمەتتىك قىزمەتتەرگە قاجەتتىلىكتى باعالاۋ جانە انىقتاۋ جونىندەگى الەۋمەتتىك قىزمەتكەرى زۋلفيا ۋماروۆا جانە «قوستاناي قالاسى اكىمدىگىنىڭ جۇمىسپەن قامتۋ جانە الەۋمەتتىك باعدارلامالار ءبولىمى» مم «الەۋمەتتىك قىزمەتتەر كورسەتۋ ورتالىعى» كمم پسيحونەۆرولوگيالىق اۋرۋلارى بار 18 جاستان اسقان مۇگەدەك بالالار مەن مۇگەدەكتەرگە كۇتىم جاساۋ جونىندەگى الەۋمەتتىك قىزمەتكەرى يۋري ۆاگين «Adamgerşılık» اتالىمىندا توپ جاردى.
«Altyn jürek» اتالىمىنىڭ ۇزدىكتەرى – «ومىرگە سەن» قق جانىنداعى وڭالتۋ, رەسپيراتورلىق قولداۋ جانە پاللياتيۆتىك كومەك ورتالىعىنىڭ مەدبيكەسى شىرىن امانتاەۆا مەن «الماتى وبلىسىنىڭ دەنساۋلىق ساقتاۋ باسقارماسى» مەملەكەتتىك مەكەمەسىنىڭ «وبلىستىق جەدەل جانە شۇعىل مەديتسينالىق كومەك ستانتسياسى» شجق مكك اعا فەلدشەرى دارحان باقىتكەلدى.
شىمكەنت قالاسى اباي قۇنانباەۆ اتىنداعى مەكتەپتىڭ حيميا ءپانىنىڭ مۇعالىمى بالجان ءامىرالى جانە استانا قالاسىنىڭ №87 «قادىر» بالاباقشاسىنىڭ تاربيەشىسى دانا كۋيانباەۆا «Bolaşaq turaly qamqorlyq» اتالىمىندا «Jas كeñes sıylyğy» سىيلىعىن جەڭىپ الدى.
ايتا كەتۋ كەرەك, سىيلىقتىڭ ءوزى مەن جۇلدە قورىن جاستار ساياساتى جونىندەگى كەڭەس مۇشەلەرى قۇرىپ, ۇيىمداستىرعان.
