فوتو:ortcom.kz
مونيتورينگ بارىسىندا انىقتالعانداي ەلىمىزدىڭ بارلىق مەكتەپتەرىندە اعىمداعى جوندەۋ جۇمىستارى اياقتالىپ, كۇردەلى جوندەۋ جۇمىستارى 280 وقۋ ورنىندا جالعاسادى. سونداي-اق روبوتتەحنيكا, حيميا, بيولوگيا, فيزيكا جانە STEAM-باعىتتارعا ارنالعان 1383 پاندىك كابينەت ساتىپ الۋ بويىنشا جۇمىستار بەلسەندى ءجۇرىپ جاتىر.
بۇگىنگى تاڭدا ءبىلىم بەرۋ ۇيىمدارىنىڭ وقۋلىقتارمەن قامتاماسىز ەتىلۋى 90%-دى قۇرايدى. ءبىلىم باسقارمالارىنىڭ باسشىلارىنا مەكتەپتەردى وقۋلىقتارمەن قامتاماسىز ەتۋ بويىنشا جۇمىستى جەدەلدەتۋ جانە وقۋلىقتاردى وقۋشىلارعا تاراتۋدى 25 تامىزعا دەيىن ۇيىمداستىرۋ ۇسىنىلدى.
ء«بىز مەكتەپتەردىڭ جاعدايىن جانە جاڭا وقۋ جىلىنا دايىندىعىن مۇقيات تالدادىق. ءبىزدىڭ ماقساتىمىز – 3,9 ميلليون وقۋشىعا قاۋىپسىز جانە جايلى جاعداي جاساۋ. جاڭا وقۋ جىلىن تابىستى باستاۋ ءۇشىن جەرگىلىكتى اتقارۋشى ورگاندارمەن تىعىز ىنتىماقتاستىقتا جۇمىس ىستەۋدى جالعاستىرامىز», دەپ اتاپ ءوتتى وقۋ-اعارتۋ مينيسترلىگىنىڭ ءبىلىم سالاسىندا ساپانى قامتاماسىز ەتۋ كوميتەتىنىڭ توراعاسى ەرنۇر داۋەنوۆ.
ايتا كەتەيىك, 2024 جىلدىڭ 1 قىركۇيەگىنەن باستاپ ەلىمىزدىڭ 7,9 مىڭ ءبىلىم بەرۋ ۇيىمىندا 3,9 ملن بالا ءبىلىم الاتىن بولادى. وسىعان بايلانىستى مينيسترلىك وڭىرلەردىڭ اكىمدىكتەرىنە مەكتەپتەردى ىسكە قوسۋ مەرزىمدەرىنىڭ بۇزىلۋىنا جول بەرمەۋ ءۇشىن بارلىق قاجەتتى شارالاردى قابىلداۋدى ۇسىندى.
