ەڭبەك جانە حالىقتى الەۋمەتتىك قورعاۋ مينيسترلىگى تاراتقان مالىمەتكە جۇگىنسەك, جالپى تولەمنىڭ سوماسى 46,5 ميلليارد بولعان.
ايتا كەتەيىك, قولدانىستاعى زاڭناماعا سايكەس, جۇمىستان بوساتىلعان قىزمەتكەرلەر 1 ايدان 6 ايعا دەيىنگى مەرزىمدە جۇمىسسىزدىققا بايلانىستى الەۋمەتتىك تولەمدەر الا الادى. بۇل تولەمدەر مىندەتتى الەۋمەتتىك ساقتاندىرۋ جۇيەسىنە قاتىسۋ ءوتىلى مەن سوڭعى 24 ايداعى كىرىسكە بايلانىستى تولەنەدى جانە جوعالعان كىرىستىڭ 45%-ىنا دەيىنگى سومانى قامتيدى.
الەۋمەتتىك تولەمدى قالاي الۋعا بولادى؟
1. eGov.kz پورتالىندا تىركەلۋ قاجەت.
2. "جۇمىسپەن قامتۋ جانە جۇمىسقا ورنالاستىرۋ" بولىمىنەن "جۇمىس ىزدەۋشى تۇلعالاردى تىركەۋ" قىزمەتىن تاڭداۋ كەرەك.
3. قىزمەتكە ونلاين تاپسىرىس بەرىپ, بارلىق ورىستەردى تولتىرۋ جانە ءوتىنىمدى ەتسق ارقىلى قول قويۋ قاجەت.
4. ءبىر كۇن ىشىندە تۇرعىلىقتى جەردەگى كارەرالىق ورتالىق (كو) بوس جۇمىس ورىندارىن ۇسىنادى.
5. ەگەر جۇمىس تابىلماسا, 3 جۇمىس كۇنى ىشىندە ونلاين رەجيمدە جۇمىسسىز مارتەبەسى بەرىلەدى.
بۇل قىزمەتتى سونداي-اق ەلەكتروندىق ەڭبەك بيرجاسى (enbek.kz) ارقىلى ونلاين الۋعا بولادى. جۇمىسسىز رەتىندە تىركەلگەنى تۋرالى مالىمەت بولعان جاعدايدا, ەڭبەك جانە حالىقتى الەۋمەتتىك قورعاۋ مينيسترلىگىنىڭ اقپاراتتىق جۇيەسى ءموبيلدى تەلەفونعا گفسس-دان تولەم تاعايىنداۋ قىزمەتىنە كەلىسىم تۋرالى SMS-حابارلاما جىبەرەدى. كەلىسىم بەرگەن جاعدايدا, تولەم اۆتومات تۇردە تاعايىندالادى.
ەسكە سالايىق, گفسس-دان جۇمىسسىز قالۋ جاعدايىندا تولەنەتىن الەۋمەتتىك تولەم جۇمىستان بوساتۋ سەبەپتەرىنە قاراماستان جۇزەگە اسىرىلادى جانە ول ادامنىڭ جۇمىس ىزدەۋ كەزىندە قولداۋ كورسەتۋگە ارنالعان.
