فوتو:ۆيدەودان الىنعان كادر
«سىرىم اۋدانىندا سۋ تاسقىنىنان زارداپ شەككەن ازاماتتارعا ارنالعان 114 ءۇيدىڭ قۇرىلىسى قارقىندى ءجۇرىپ جاتىر. قۇرىلىس جۇمىستارى تامىزدىڭ سوڭىنا دەيىن اياقتالادى. ونىڭ 14-ءى اۋدان ورتالىعى جىمپيتىدا اياقتالىپ, وتباسىلار قونىستويلارىن اتاپ ءوتىپ جاتىر. قۇرىلىس بارىسىن gov.kz پورتالى ارقىلى ونلاين باقىلاۋعا بولادى», دەپ حابارلادى ونەركاسىپ جانە قۇرىلىس مينيسترلىگىنىڭ ءباسپاسوز قىزمەتى.
سونىمەن قاتار احۋالدىق ورتالىعىنىڭ مالىمەتىنشە, باتىس قازاقستان وبلىسىندا 775 جەكە تۇرعىن ءۇيدىڭ 80-ءى سالىنىپ بىتكەن. سونداي-اق زارداپ شەككەن وتباسىلارعا ەكىنشى نارىقتان 1098 ءۇي ساتىپ الىنىپ, 1310 ۇيدە جوندەۋ جۇمىستارى اياقتالعان.
