پاۆلوداردا قالدىقتاردى جاعۋ زاۋىتىنىڭ ماسەلەسى كوتەرىلدى

پاۆلودار. 12 ماۋسىم. وبلىستىق اۋىل شارۋاشىلىعى باسقارماسىندا قاۋىپتى قالدىقتاردى جاعۋ زاۋىتىنىڭ قۇرىلىسىنا قارسىلىق تانىتۋعا ارنالعان كەزدەسۋ ءوتتى. بۇل تۋرالى egemen.kz ءتىلشىسى حابارلادى. وندا قالا تۇرعىنداردىڭ تالابىن ەسكەرگەن ەنەرگەتيكا مينيسترلىگىنىڭ وكىلدەرى قۇرىلىستى باسقا قالادا سالۋ تۋرالى ۋادە بەردى. كەزدەسۋگە «Egis» جوباسى وڭدەۋ كومپانياسى قاۋىپتى قالدىقتار باسقارماسىنىڭ ساراپشىسى فيليپپ فيشو مەن دۇنيەجۇزىلىك بانك ينۆەستورىنىڭ اعا ەكونوميستى كەيتلين ۆانن دەن بەرگ, ونەركاسىپ جانە ەكولوگيا سالاسىنىڭ ماماندارى قاتىستى. ستوكگولم كونۆەنتسياسىنا سايكەس 2025 جىلى قازاقستان توپىراق پەن سۋدا جينالىپ قالعان قالدىقتاردى پايداعا جاراتۋ كەرەك. ول ءۇشىن ەل اۋماعىندا قۋاتتىلىعى جىلىنا 20 مىڭ توننا قاۋىپتى قالدىقتى جاعاتىن زاۋىت جۇمىس ىستەۋى ءتيىس كورىنەدى. زاۋىتتىڭ قۇرىلىسىنا قارسى قوزعالىستى پاۆلودارلىق جۋرناليستەر دە قولدايدى. قوعامدىق تىڭداۋ بارىسىندا قاتىسۋشىلار ءوڭىر تۇرعىندارىنىڭ پىكىرلەرىن ءبىلۋ ءۇشىن رەفەرەندۋم وتكىزۋ جونىندە ۇسىنىس ايتتى. «پاۆلودار وبلىسى ازاماتتىق اليانسى» قوعامدىق بىرلەستىگىندە 20 مىڭنان استام تۇرعىن قول قويعان قۇجات بار. فاريدا بىقاي. دەرەك, سۋرەت: egemen.kz