وندا حالىقتىڭ بارلىق توپتارىنا مادەني شارالارعا قول جەتكىزۋ مۇمكىندىگىن قامتاماسىز ەتۋ, مادەنيەت سالاسىنداعى حالىقارالىق ىنتىماقتاستىقتى دامىتۋ جانە شىعارماشىلىق جاستارعا جاعداي جاساۋ ماسەلەلەرىن ۇجىممەن بىرگە تالقىلادى. سەناتور ءتۇرلى قوعامدىق شارالار, كونفەرەنتسيالار, فەستيۆالدەر مەن كونتسەرتتىك قويىلىمدار, سونداي-اق مۋلتيمەديالىق جابدىقتار وتكىزۋگە ارنالعان كونگرەسس-حوللدىڭ مۇمكىندىكتەرىن سارالادى.
كەشەندە سونىمەن قاتار قولونەرشىلەر ورتالىعى مەن شەبەرحانا, سونداي-اق دايىن بۇيىمدارعا ارنالعان كورمە الاڭى, قولونەر تاريحىمەن تانىسۋعا ارنالعان مۋلتيمەديالىق كابينەت جانە قازاقتىڭ ۇلتتىق ءبيى مەن مۋزىكالىق قويىلىمدارعا ارنالعان ۇلكەن زالدار جۇمىس ىستەيدى.
«مادەني نىساننىڭ قۇرىلىسى پرەزيدەنتتىڭ تاپسىرماسى بويىنشا رەسپۋبليكالىق بيۋدجەت قارجىسى ەسەبىنەن باستالعان بولاتىن. شىمكەنت بىرتىندەپ حالىقارالىق دەڭگەيدە تانىمال قالالاردىڭ بىرىنە اينالىپ كەلەدى. قالانىڭ مادەني ومىرىنە ەلەۋلى سەرپىن بەرەتىن, ونىڭ ينۆەستيتسيالىق تارتىمدىلىعىن ارتتىراتىن, ءتۋريزمنىڭ دامۋىنا وڭ اسەر ەتەتىن جانە شىمكەنتتە كاسىبي ارتىستەردىڭ كوبەيۋىنە كەڭ مۇمكىندىك اشاتىن وسىنداي زاماناۋي جانە اۋقىمدى كەشەن قالاعا قاجەت بولىپ وتىر», دەدى ا.قاپباروۆا.
