فوتو: Kozachkov offside\telegram.org
الەۋمەتتىك جەلىدە جول اپاتىنىڭ ۆيدەوسى جاريالاندى. كادرلاردا اۆتوبۋستىڭ جول جيەگىنە شىعىپ كەتكەن موتوتسيكلدى سوققانى كورىنەدى.
تۇركىستان وبلىسىنىڭ پوليتسيا دەپارتامەنتىنىڭ ءباسپاسوز قىزمەتى سارىاعاش اۋداندىق پوليتسيا بولىمىندە جول-كولىك وقيعاسى دەرەگى بويىنشا سوتقا دەيىنگى تەرگەۋ باستالعانىن حابارلادى.
«پوليتسيا انىقتاعانداي, اۆتوبۋس جۇرگىزۋشىسى باعدارشامنىڭ قىزىل تۇسىنە توقتاماي, سپورتتىق موتوتسيكلمەن سوقتىعىسقان. سالدارىنان 37 جاستاعى موتوتسيكلشى كوز جۇمدى. اۆتوبۋس جۇرگىزۋشىسى ۋاقىتشا ۇستاۋ يزولياتورىنا جەتكىزىلدى», دەپ حابارلادى پوليتسەيلەر.
تەكسەرۋ بارىسىندا جۇرگىزۋشىنىڭ ەس-ءتۇسسىز كۇيدە ەكەنى انىقتالدى. وقيعانىڭ بارلىق ءمان-جايى انىقتالىپ جاتىر.
