ارينە, وعان ەش تاڭدانۋعا بولمايدى. ءوزىنىڭ اتاق-داڭقى جاعىنان جەر-جاھاندا فەلپسكە تەڭەسەتىن ەشبىر ادام جوق. 39 جاستاعى بالتيموردىڭ جۇلدىزى وليمپيا ويىندارىندا 23 التىن, 3 كۇمىس جانە 2 قولا مەدالدى ولجالادى. بارلىعى – 28 جۇلدە! الەم چەمپيوناتىندا 33 رەت (26 التىن, 6 كۇمىس, 1 قولا) جەڭىس تۇعىرىنا كوتەرىلدى. بۇل تابىسىنىڭ بارلىعىنا ول 2001-2016 جىلدارى قول جەتكىزدى.ەكىنشى ورىندى سەرەنا ۋيليامس يەلەندى. «ۇلكەن دۋلىعا» ساناتىنداعى تۋرنيرلەردە 23 رەت توپ جارعان 42 جاستاعى امەريكالىق تەننيسشىنىڭ ءتورت دۇركىن وليمپيادا چەمپيونى دەگەن اتاعى تاعى بار. ۇزدىك ۇشتىكتى اتاعى جەر جارعان فۋتبولشى, ارگەنتينانىڭ شوق جۇلدىزى ليونەل مەسسي تۇيىندەپ تۇر. سونداي-اق توپ-وندىققا لەبرون دجەيمس (اقش, باسكەتبول), توم برەيدي (اقش, امەريكالىق فۋتبول), رودجەر فەدەرەر (شۆەيتساريا, تەننيس), سيمونا بايلز (اقش, كوركەم گيمناستيكا), تايگەر ۆۋدس (اقش, گولف), ۋسەين بولت (يامايكا, جەڭىل اتلەتيكا) جانە كوبە برايانت (اقش, باسكەتبول) سىندى ساڭلاقتار ەنىپ وتىر.
وكىنىشكە قاراي, توپ-100 سپورتشىنىڭ قاتارىنان قازاقستاننىڭ بىردە-ءبىر وكىلىن كەزىكتىرە المادىق.
