فوتو: polisia.kz
شىلدە ايىندا جامبىل وبلىسى مويىنقۇم اۋدانىندا ۇيىمداسقان قىلمىسقا قارسى كۇرەس ءبولىنىسىنىڭ قىزمەتكەرلەرى «التىنالماس» اق «اقباقاي» كومبيناتىنىڭ اۋماعىنان قۇرامىندا التىنى بار كەندى ۇرلاۋعا قاتىسى بار ادامدار ۇستالدى.
ايماقتاعى قۇزىرلى ورگاندار جۇرگىزگەن ىزدەۋ ءىس-شارالارىنىڭ ناتيجەسىندە اقباقاي, مويىنقۇم, بىرلىك كەنتتەرىندە 11 زاڭسىز ۇساقتاۋ تسەحى تابىلدى. وندا كەن مەن تاستاردى وڭدەۋگە ارنالعان ارنايى جابدىق, التىن, قاراجات, سونداي-اق توعىز اتىس قارۋى مەن مىڭنان استام وق-ءدارى تاركىلەندى.
«قاراكوز» كارەرىنىڭ اۋماعىندا زاڭسىز كەن ىزدەۋشىلەردىڭ ەكى بريگاداسى ۇستالدى. زاڭسىز كەن ءوندىرىپ, شاحتالارعا كىرگەن ادام سانى - 17. ولاردىڭ بارلىعى اكىمشىلىك جاۋاپكەرشىلىككە تارتىلدى. بۇدان باسقا, ارنايى ءىس-شارالاردى وتكىزۋ كەزىندە «اقباقاي» كومبيناتىنىڭ اۋماعىنان قۇرامىندا التىنى بار 600 قاپتان استام شيكىزاتتى ۇرلاۋ فاكتىسى انىقتالدى. وعان كومبيناتتىڭ بۇرىنعى قىزمەتكەرلەرىنىڭ قاتىسى بولعان. ولار ۋاقىتشا ۇستاۋ يزولياتورىنا قامالدى. كومبيناتتىڭ قاۋىپسىزدىك قىزمەتىمەن بىرگە ۇستالعانداردىڭ باسقا دا وسىنداي قىلمىستارعا قاتىسى بار-جوعى تەكسەرىلەدى», دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
