قاداعالاۋ ورگانى قالا بيۋدجەتىنە شامامەن 50 ميلليون تەڭگەگە نۇقسان كەلتىرۋى مۇمكىن فاكتىنى انىقتادى. ەگجەي تەگجەيى «پروكۋراتۋرا تۋرالى» كونستيتۋتسيالىق زاڭنىڭ 26-بابىنىڭ 6-تارماعىنا سايكەس جاريالاۋعا جاتپايتىن بولعاندىقتان, اتىراۋ وبلىسى پروكۋرورىنىڭ ءبىرىنشى ورىنباسارى ب.سادىبەكوۆ ايتپادى.
الايدا, «اج» ساۋالىنا جاۋاپتا ول «اتىراۋدا اۆتوپاركتەردىڭ ءبىرى سۋبسيديالاۋ كەزىندە ققس كوەففيتسيەنتىن قوسۋ ارقىلى 47,3 ميلليون تەڭگە كولەمىندە نەگىزسىز بيۋدجەت قاراجاتىن العانىن» جازعان.
«تاسىمالداۋشىعا اۋدارىمدى بەكىتكەن تۇلعا - قالالىق جولاۋشىلار كولىگى جانە اۆتوموبيل جولدارى ءبولىمىنىڭ باسشىسى لاۋازىمىنداعى جەرگىلىكتى اتقارۋشى ورگاننىڭ قىزمەتكەرى. شەنەۋنىككە تارتىپتىك جازا, ياعني ەسكەرتۋ نەمەسە سوگىس بەرىلگەن. دەگەنمەن ودان دا قاتاڭ نۇسقادا جۇمىستان شىعارۋ جازاسى قارالادى. بىراق سوڭعى ۋاقىتتا بولىمدە كادرلىق اۋىس-ءتۇيىس بولماعاندىقتان, ءىس جاۋاپقا تارتۋدىڭ العاشقى ەكى ءادىسىنىڭ بىرىمەن اياقتالسا كەرەك. پروكۋرور «پروكۋراتۋرا تۋرالى» زاڭنىڭ سول تارماعىنا سايكەس, قىزمەتكەردىڭ اتى-ءجونىن اتامادى», - دەلىنگەن اقپاراتتىق سايتتىڭ ماقالاسىندا.
