جازدىڭ سوڭعى ايىندا اپتاپ ىستىق بولادى - سينوپتيكتەر بولجامى

«قازگيدرومەت» رمك بولجامىنا سايكەس, تامىزدا اتموسفەرالىق فرونتتاردىڭ وتۋىنە بايلانىستى رەسپۋبليكامىزدىڭ باسىم بولىگىندە نايزاعاي ويناپ, جاڭبىر جاۋادى, جەكەلەگەن اۋدانداردا بۇرشاق تۇسەدى, ەكپىندى جەل سوعادى, نوسەر جاڭبىر جاۋادى. ايدىڭ ءبىرىنشى ونكۇندىگىندە اۋا تەمپەراتۋراسىندا شامالى اۋىتقۋ بولجانادى:

• رەسپۋبليكامىزدىڭ سولتۇستىگىندە, ورتالىعىندا تۇندە سىناپ باعانى +13...+18°س-تان +17...+22°س-قا دەيىن, كۇندىز +20...+25°س-تان +25...+30°س-قا دەيىن,
• ءوڭىردىڭ وڭتۇستىگىندە +35...+37°س-قا دەيىن; ەلدىڭ باتىسىندا تۇندە +15...+20°س-تان +20...+25°س-قا دەيىن, كۇندىز +28...+33°س-تان +36...+41°س-قا دەيىن;
• رەسپۋبليكامىزدىڭ وڭتۇستىگىندە جانە وڭتۇستىك-شىعىسىندا تۇندە +18...+23°س-تان +22...+27°س-قا دەيىن, كۇندىز +29...+36°س-تان +35...+43°س-قا دەيىن;
• شىعىس وڭىردە تۇندە +12...+18°س-تان +15...+23°س-قا دەيىن, كۇندىز +23...+30°س-تان +28...+35°س-قا دەيىن.

تامىزدىڭ ەكىنشى جانە ءۇشىنشى ونكۇندىگىندە ىستىق ءارى قۇرعاق كۇندەر سالقىن جانە جاڭبىرلىعا الماسادى, كەيدە نايزاعاي ويناپ, بۇرشاق جاۋادى.

اۋا تەمپەراتۋراسى:

• باتىس وڭىرلەردە تۇندە: +10...+20°C, كۇندىز: +20...+30°س, جەكەلەگەن كۇندەرى اۋا تەمپەراتۋراسىنىڭ تۇندە: +20...+25°س, كۇندىز: +35...+41°س دەيىن كوتەرىلەدى دەپ بولجانادى;
• ەلىمىزدىڭ سولتۇستىك وڭىرلەرىندە اۋا تەمپەراتۋراسى تۇندە: +13...+18°س-تان +5+10°س-قا دەيىن, كۇندىز +28...+33°س-تان +15...+20°س-قا دەيىن تومەندەيدى;
• ەلىمىزدىڭ ورتالىعى مەن شىعىسىندا تۇندە: +13...+18-دەن +7...+12°س-قا دەيىن, كۇندىز +24...+29°س-تان +19...+24°س-قا دەيىن, جەكەلەگەن كۇندەرى اۋا تەمپەراتۋراسىنىڭ تۇندە +4...+9°س-قا دەيىن, كۇندىز +16...+21°س-قا دەيىن تومەندەيدى;
• رەسپۋبليكامىزدىڭ وڭتۇستىك-باتىسىندا, وڭتۇستىك وڭىرلەرىندە اۋا تەمپەراتۋراسى تۇندە +15...+20°س-تان +9...+14°س-قا دەيىن, كۇندىز +32...+37°س-تان +29...+34°س-قا دەيىن اۋىتقيدى.

ايتا كەتەيىك, ءبىر ايعا ارنالعان اۋا رايى بولجامى جالپىلاما سيپاتقا يە, ول سينوپتيكالىق جاعدايدىڭ وزگەرۋىنە قاراي تۇزەتىلىپ, الداعى ونكۇندىككە ارنالعان اۋا رايى بولجامدارىمەن ناقتىلانادى.