|
ب |
استاماعا مۇددەلى ازاماتتار, مەملەكەتتىك قىزمەتكەرلەر مەن تانىمال سپورتشىلار جينالدى. ءسويتىپ, 100 ەرىكتى 2 ميلليون تۋريست دەمالاتىن ءۇش شاقىرىمدىق جاعاجايدى قوقىستان تازارتۋعا بەلسەنە قاتىستى. اتاپ ايتساق, قورشاعان ورتانى تازارتۋعا تۋريزم باسقارماسى مەن قىزمەتكەرلەرى, ارداگەرلەر مەن انالار كەڭەسىنىڭ وكىلدەرى, ءوڭىردىڭ ءتورت اۋدانىنان «الاتاۋ جاستارى» قوزعالىسىنىڭ بەلسەندى جاستارى, سونداي-اق ەل سپورتىنىڭ جۇلدىزدارى, ونىڭ ىشىندە قويان-قولتىق ۇرىستان ءۇش دۇركىن الەم چەمپيونى سورا راحمونوۆا, دجيۋ-دجيتسۋ, گرەپپلينگ, مما بويىنشا ەل چەمپيونى جۇماش باتىربەك, دجيۋ-دجيتسۋدان چەمپيون يۋليا ۆولۆيچ جانە «ساعادات باتىر» كلۋبىنىڭ بارلىق شاكىرتى كەلىپ, تابيعات جاناشىرى ەكەنىن انىق بايقاتتى.
«قورشاعان ورتانىڭ تازالىعى – بارشامىزدىڭ مىندەتىمىز. «تازا جاعاجاي» اكتسياسى تۋعان ولكەمىزدىڭ سۇلۋلىعىن بولاشاق ۇرپاق ءۇشىن ساقتاۋدى قاجەت ەتەدى. بۇل ءىس-شارا ەلىمىزدىڭ ايماقتارى ءۇشىن جاقسى داستۇرگە اينالارى ءسوزسىز», دەدى تازالىق جۇمىسىنا مۇرىندىق بولعان الماتى وبلىسى اكىمدىگى تۋريزم باسقارماسىنىڭ باسشىسى قۋانىشبەك مەيرامبەك ۇلى.
قوناەۆ قالاسىنىڭ جاعاجايلارى جەرگى-
لىكتى تۇرعىندار ءۇشىن دە, كوپتەگەن تۋريست ءۇشىن دە سۇيىكتى دەمالىس ورنى سانالادى. ماۋسىم باسىنان بەرى مۇندا 750 مىڭنان اسا ادام كەلىپ, جازدىڭ سوڭىنا دەيىن بۇل كورسەتكىش ەكى ەسەگە ارتادى دەپ كۇتىلىپ وتىر. اكتسيا بارىسىندا ەرىكتىلەر ءبىر توننادان اسا قوقىس جيناپ, ءۇش شاقىرىم جاعالاۋ سىزىعىن تازارتىپ ۇلگەردى. ءىس-شارانى ۇيىمداستىرۋشىلار قاتىسۋشىلارعا العىسىن ءبىلدىرىپ, قالا تۇرعىندارى مەن قوناقتارىن تابيعاتتى ايالاپ, جاعاجايلاردى تازا ۇستاۋعا شاقىرادى.
ايتا كەتەرلىگى, «تازا قازاقستان» ەكواكتسياسى باستالعاننان بەرى 600 مىڭنان اسا ادام قاتىسىپ, 7 مىڭ گەكتارعا جۋىق اۋماق تازارتىلدى. 20 مىڭ توننا قوقىس جينالدى, سونداي-اق 55 مىڭنان اسا كوشەت وتىرعىزىلدى. ءىس-شاراعا 3,5 مىڭعا جۋىق ارنايى تەحنيكا جۇمىلدىرىلدى. قوناەۆ قالاسىنداعى جاعاجايعا 60-تان اسا قوقىس جاشىگى مەن كونتەينەرلەر ورناتىلدى. ءساۋىر ايىنان بەرى «تازا قازاقستان» ءىس-شارالارىندا بارلىعى 29 مىڭعا جۋىق ادام بەلسەندىلىك تانىتتى.
الماتى وبلىسى
