فوتو: : shutterstock
ۇكىمەت باسشىسىنىڭ ايتۋىنشا, قالا جولدارىنداعى باستى ماسەلەلەردىڭ ءبىرى - ۇيالى بايلانىس ساپاسىنىڭ ناشارلىعى. مىسال رەتىندە قاراعاندى-الماتى اۆتوجولىندا ءۇش وبلىستىڭ اۋماعى بويىنشا جالپى 500 كم ۋچاسكەدە ءموبيلدى بايلانىستىڭ جوقتىعىن اتاپ ءوتتى.
«جولداردا قاۋىپسىزدىكتى باقىلاۋ ءۇشىن بەينەكامەرالار مەن باسقا دا تەحنيكالىق قۇرالدار جەتىسپەيدى. كەي جەرلەردە ولار مۇلدەم جۇمىس ىستەمەيدى. جول قاۋىپسىزدىگىنە قاتىستى جاعداي حالىقتىڭ ورىندى نارازىلىعىن تۋدىرادى. تەك بيىلعى جىلدىڭ باسىنان بەرى ازاماتتارىمىزدان جول قوزعالىسىنا قاتىستى 50 مىڭنان استام شاعىم كەلىپ ءتۇستى. ءوڭىر اكىمدىكتەرى ەلدى مەكەندەردەگى قۇقىق بۇزۋشىلىقتى تىركەيتىن كامەرالار سانىن كوبەيتۋى قاجەت. رەسپۋبليكالىق ماڭىزى بار اۆتوجولداردا اپپاراتتىق-باعدارلامالىق كەشەندەردى بەلسەندى تۇردە پايدالانۋ كەرەك», دەپ تاپسىردى پرەمەر-مينيستر.
سونداي-اق ولجاس بەكتەنوۆ جول قوزعالىسى قاۋىپسىزدىگىن قاداعالايتىن بەينەكامەرالار مەن باسقا دا قۇرالداردىڭ سانىن كوبەيتۋ قاجەتتىگىن ايتتى.
