فوتو: gov.kz
Funny sport جوباسى شەڭبەرىندە «سۋ الەمى» اتتى ءىس-شارا ۇيىمداستىردى. جيىن سوڭىندا جاستار مەن جاسوسپىرىمدەر «تازا قازاقستان. استانا – تازالىق پەن ءتارتىپتىڭ ۇلگىسى» اتتى اۋقىمدى ەكواكتسيانى قولداپ, ورتالىق ساياباق اۋماعىن قوقىستان تازارتتى.
ءىس-شاراعا جالپى 600-دەن استام قاتىسۋشى جينالىپ, 150-200-دەي سۋ شاشاتىن ويىنشىق تەگىن ۇلەستىرىلدى.
«ادامداردىڭ بارلىعى سپورتپەن اينالىسۋدىڭ قاجەتتىلىگىن سەزىنەدى. الايدا ەرىك-جىگەر, ءتارتىپ جەتىسە بەرمەيدى. بۇگىنگى شارادا سپورتتىڭ قولجەتىمدى, وڭاي, قىزىقتى ەكەنىن كورسەتكىمىز كەلدى. سۋ شاشۋ ويىنى ارقىلى ءار قاتىسۋشى قوزعالىستا بولىپ, ۋاقىتتىڭ قالاي وتكەنىن سەزبەي دە قالادى. ونىڭ ۇستىنە شارامىزعا روليك تەبۋدەن جاستار اراسىندا الەۋمەتتىك جەلىدە وتە تانىمال دياس ابدراحمانوۆتى دا ارنايى شاقىردىق. ونىڭ كەلۋى دە تۇرعىندارعا قوسىمشا موتيۆاتسيا بولدى», دەدى شارا ۇيىمداستىرۋشىسى ءجاميلا فەدوسوۆا.
ەلوردالىق دەنە شىنىقتىرۋ جانە سپورت باسقارماسىنىڭ باستاماسىمەن «Funny sport» سپورتتىق جانە ويىن-ساۋىق ءىس-شارالارىنىڭ مارافونى 20 شىلدە – 25 تامىز كۇندەرى ارالىعىندا باستالعان ەكەن, البەتتە, باستى ماقسات – تۇرعىنداردى سالاۋاتتى ءومىر سالتىن ۇستانۋعا شاقىرۋ.
اتالعان جوبا تامىز ايىنىڭ سوڭىنا دەيىن ءار اپتانىڭ سەنبى جانە جەكسەنبى كۇندەرى وتەدى.
