ولار شىڭجاڭ قالاسىندا 25 ماۋسىم مەن 4 شىلدە ارالىعىندا وتكەن «The 2024 Tsinghua Shenzhen International Graduate School» جازعى مەكتەبىنە قاتىستى. بۇل باعدارلاما جىل سايىن الەمنىڭ ءار تۇكپىرىنەن كەلگەن تالانتتى ستۋدەنتتەردى اكادەميالىق تۇرعىدان دامىتادى. مادەني كوكجيەگىن كەڭەيتىپ, باسقالارمەن تاجىريبە الماسادى. اتالعان ستۋدەنتتەر 2000 ۇمىتكەردىڭ اراسىنان ىرىكتەلىپ شىققان. ءسويتىپ, ولار الەمنىڭ 34 ەلىندەگى 63 ۋنيۆەرسيتەتتەن كەلگەن 110 قاتىسۋشىنىڭ قاتارىنا قوسىلدى. اتاپ ايتساق, جازعى مەكتەپكە NU ينجەنەريا جانە تسيفرلىق عىلىمدار مەكتەبىنىڭ ستۋدەنتتەرى – نۇرجاينا دۋبەك, كاميلا بيسەنباەۆا, ءمادي تۇرعىنوۆ, سونداي-اق جاراتىلىستانۋ, الەۋمەتتىك جانە گۋمانيتارلىق عىلىمدار مەكتەبىنىڭ ستۋدەنتتەرى – ەركە ەرجانقىزى مەن گۇلجان نۇرتاي قاتىستى. ولار دەرەكتەر جانە اقپارات ينستيتۋتىنىڭ (iDI), قورشاعان ورتا جانە ەكولوگيا ينستيتۋتىنىڭ (iEE), يننوۆاتسيا, ءبىلىم, عىلىم, تەحنولوگيا جانە ونەر اشىق فاكۋلتەتىنىڭ (وpen FIESTA) باعدارلاماسىن وقىدى.
ەركە ەركەجانقىزى تسينحۋا SIGS GSS 2024 جازعى مەكەبىندەگى «Open FIESTA» باعدارلاماسىندا الىنعان تاجىريبە ەلىمىزدەگى يننوۆاتسيالار مەن شىعارماشىلىقتى ىنتالاندىراتىن قۇرالدارمەن جابدىقتالعانىن ايتسا, نۇرجاينا دۋبەك IEE باعدارلاماسى اياسىندا اكادەميالىق جانە تاجىريبەلىك ءبىلىم الىپ, ءتۇرلى ماماندارمەن تانىسقانىن جەتكىزدى.
«اسىرەسە ۋربانيزاتسيا مەن تۇراقتى دامۋدى بايلانىستىرۋ جايىندا كەڭىرەك ءبىلدىم. شىندىعىن ايتقاندا, شىڭجاڭنىڭ جوعارى تەحنولوگيالىق اتموسفەراسى, كۋرستاستارمەن جانە تسينحۋا SIGS-ءتىڭ ۇزدىك پروفەسسورلارىمەن بولعان اڭگىمەلەر ءبىزدى قاناتتاندىردى», دەيدى ول.
ون كۇن ىشىندە ءبىزدىڭ ستۋدەنتتەر ءدارىس, شەبەرلىك ساباعى مەن ءتۇرلى مادەني ءىس-شاراعا قاتىسىپ, ساراپشىلار مەن عالىمداردىڭ جەتەكشىلىگىمەن ايتۋلى كومپانيالارعا ەكسكۋرسيا جاسادى. ايتا كەتەيىك, قاتىسۋشىلاردىڭ باسىم بولىگى ازيا ەلدەرى ۋنيۆەرسيتەتتەرىنىڭ اليانسىنا كىرەتىن جوعارى وقۋ ورىندارىنان كەلگەن. ولاردىڭ قاتارىنا NU-مەن قوسا National University of Singapore, University of Tokyo جانە United Arab Emirates University سياقتى ءبىلىم وردالارى بار.
