زاۋىتتاعى اپات: ارنايى كوميسسيا قۇرىلدى

جايسىز حابار كومپا­نيا­­نىڭ الەۋ­مەتتىك جەلىدەگى پاراق­شاسىندا جاريا­لاندى. جيىرما بەس جاستاعى تەحنولوگ ەرۇلان قازكەن, بالقىتۋ تسەحىنىڭ مەحانيگى ادامچۋك دميترو, باس مەحانيك قىزمەتىنىڭ شەبەرى تو­لەگەن جەتپىسباەۆ كۇيىكتىڭ سالدا­رىنان قازا بولدى.

22 شىلدە كۇنى زاۋىتتىڭ 30 جاستاعى جۇمىسشىسى مۇزافار يسمايلوۆ العان جاراقاتىنان قايتىس بولعان ەدى. ونىڭ دەنە­سىنىڭ 85 پايىزى كۇيگەن. مارقۇم بۇقار جىراۋ اۋدانى ۇمىت­كەر اۋىلىنا جەرلەندى.

دارىگەرلەردىڭ سوزىنشە, اۋرۋ­حانادا جاتقان ەكى ادام­نىڭ جاعدايى اۋىر, ال ەكى جۇمى­سى­شىنىڭ بەتى بەرى قارادى.

– پروفەسسور ح.ماقا­جا­نوۆ اتىنداعى كوپسالالى اۋرۋ­حانانىڭ كومبۋستيولوگيا بولى­مىندە ورنالاسقان قاراعاندى فەرروقورىتپا زاۋىتىنىڭ زارداپ شەككەن ەكى جۇمىسكەرىنە جالپى جاعدايى­نىڭ جاقسارۋى­نا بايلانىستى ەمدەۋ رەجى­مى جەڭىلدەتىلگەنىن حابارلايمىز. ەندى پاتسيەنتتەر پالاتادا قوزعالا الادى, جا­قىن تۋىستارىنىڭ كەلۋىنە رۇقسات ەتىلەدى. كۇيىك جا­­راقاتىمەن تۇسكەن زارداپ شەك­­كەندەردىڭ ەكەۋىنىڭ جاعدايى جاق­­سارۋىنا باي­لانىستى جالپى پالاتا­لارعا اۋىستىردىق. ولار شوك كۇيى­نەن شىعارىلدى. ناۋقاستارعا كۇيىككە قارسى شا­را­­لارعا با­عىتتالعان قوسىمشا تەراپيا جۇرگى­زىلىپ جاتىر. ەكى ناۋقاس وتە اۋىر جاعدايدا رەانيماتسيا­دا. ولاردىڭ ءومىرى ءۇشىن كۇرەس جالعاسۋدا. قارقىندى تەراپيا جۇرگىزىلۋدە, – دەي­دى پروفەسسور ح.ماقا­جا­نوۆ اتىنداعى كوپسا­لالى اۋرۋ­حانانىڭ تراۆما­تو­لوگيالىق ورتالىعىنىڭ باس­شىسى بەرىك تولەۋباەۆ.

بۇعان دەيىن جازعا­نى­مىزداي YDD Corporation قازا بولعان قىزمەت­كەر­لەرىنىڭ جانازا نا­مازىنىڭ بارلىق شىعىنىن وتەپ, وتباسىنا قاجەتتى قولداۋدى كورسە­تەمىز دەپ ۋادەسىن بەردى. وت­­­­با­سىنىڭ بارلىق نەسيە­لەرىن جاۋىپ, تۇر­عىن ءۇي جاعدايىن جاق­سارتۋعا كومەك بەرەدى. ونى­مەن قوسا, كومپانيا 10 جىل­دىق جالاقى مولشەرىندە قار­جى­لىق كومەك تولەيدى.
قر ەڭبەك كودەكسىنە (188-باپ­تىڭ 4-تارماعى) ساي­كەس, قر باس مەملەكەتتىك ەڭبەك ينسپەك­تورى تولە­گەن وسپانقۇ­لوۆ­تىڭ توراعا­لىعىمەن توپتىق وقىس وقيعانى تەرگەۋ جونىن­دەگى رەس­پۋب­ليكالىق ارنايى كوميسسيا قۇرىلدى, ون­دا وقيعانىڭ سەبەپ­تەرى انىق­تالىپ, كىنالى ادام­دار جازالانادى.

كوميسسيا قۇرامىنا قا­راعان­دى وب­لىسىنىڭ باس مەم­لەكەت­تىك ەڭبەك ينسپەك­­تورى, ونەر­كاسىپتىك قاۋىپ­سىزدىك كومي­تەتىنىڭ اۋماقتىق دەپار­تامەنتىنىڭ وكىلى جانە جۇمىس بەرۋشى كىردى.

قاراعاندى وبلىسى