فوتو:gov.kz
باسەكەلەستىكتى قورعاۋ جانە دامىتۋ اگەنتتىگىنىڭ استانا قالاسى بويىنشا دەپارتامەنتى پروكۋراتۋرامەن بىرلەسىپ «قازمۇنايگاز» اق-نىڭ 2023 جىلعى كەزەڭدە مونوپولياعا قارسى زاڭنامانى ساقتاۋىنا قاتىستى تەكسەرىس جۇرگىزگەن.
ناتيجەسىندە, كومپانيانىڭ ءىس-ارەكەتتەرىندە مۇناي ونىمدەرىن وتكىزۋدى شەكتەۋ بولىگىندە ءوزىنىڭ ۇستەم جاعدايىن تەرىس پايدالانۋ فاكتىلەرى انىقتالعان.
«وسىلايشا, اكتسيونەرلىك قوعام 2023 جىلدىڭ قاڭتار-ءساۋىر ايلارى ارالىعىندا مۇناي ونىمدەرىن ساتۋعا بەرىلگەن وتىنىمدەردى ەلەمەدى, ال كەيبىر جاعدايلاردا مۇناي ونىمدەرىن وتكىزۋ مۇمكىندىگى بار بولعان جاعدايدا جەكە ساتىپ الۋشىلارمەن مۇناي ونىمدەرىنىڭ كولەمىن قىسقارتۋ جولىمەن كەمسىتۋشىلىك جاعدايلار جاسادى», دەلىنگەن حابارلامادا.
دەپارتامەنت «قازمۇنايگاز» اق-عا قاتىستى قر اقبتك-ءنىڭ 159-بابىنىڭ 3–1-بولىگىمەن اكىمشىلىك ءىس قوزعاعان. استانا قالاسىنىڭ اكىمشىلىك قۇقىق بۇزۋشىلىق ىستەر جونىندەگى مامانداندىرىلعان اۋدانارالىق سوتىنىڭ 27 ماۋسىمداعى قاۋلىسىمەن سەرىكتەستىك 539,4 ملن تەڭگە كولەمىندە ايىپپۇل تولەۋگە تارتىلعان.
بۇگىندە اتالعان سوما تولىق كولەمدە تولەنگەن.
