فوتو: primeminister.kz
بۇل اۋىلدا قيراعان ۇيلەردىڭ ورنىنا ءبىر پاتەرلى 90 تۇرعىن ءۇي سالىنىپ جاتىر. ىرگەتاس قۇرىلىسى بويىنشا جۇمىس تولىعىمەن اياقتالعان. بۇگىنگى تاڭدا 34 ۇيدىڭ قابىرعاسى تۇرعىزىلىپ, 56 ۇيدىڭ توبەسى جابىلىپ جاتىر. نىسانداردىڭ جالپى دايىندىعى 50%-عا جەتەدى.
پرەمەر-ءمينيستردىڭ تاپسىرماسى بويىنشا قۇرىلىس ۋچاسكەسىندە جۇمىس ىستەيتىندەردىڭ سانى 30%-عا ارتقان ەدى. قازىرگى ۋاقىتتا نىسانداردا 288 ادام جۇمىس ىستەيدى. جۇمىس كەستەگە ساي جۇرگىزىلىپ جاتىر.
قورجىن اۋىلىندا 6 مەردىگەر ۇيىم جۇمىس ىستەيدى. ولجاس بەكتەنوۆ قۇرىلىس-مونتاجداۋ جانە جوندەۋ-قالپىنا كەلتىرۋ جۇمىستارىن جۇرگىزۋ كەزىندە بەكىتىلگەن قۇرىلىس نورمالارىنىڭ تالاپتارى بۇزىلعان جاعدايدا قۇرىلىس كومپانيالارى جاۋاپكەرشىلىككە تارتىلاتىنىن ەسكەرتتى.
پرەمەر-مينيستر قۇرىلىس-جوندەۋ جۇمىسى بارىسىندا وتاندىق ءوندىرىس ماتەريالدارىن پايدالانۋدىڭ ماڭىزىنا دا توقتالدى.
اۋىلدا قازىرگى ۋاقىتتا جوندەۋ جۇمىستارى جۇرگىزىلىپ جاتقان 400 ورىنعا ارنالعان مەكتەپ بار. سونىمەن قاتار جاڭا ۇيلەردىڭ بولاشاق تۇرعىندارى ءۇشىن بالالار الاڭى سالىنادى.
«جۇمىستا كەمشىلىكتەر بولماۋى كەرەك. مەملەكەت باسشىسى ۇيلەردىڭ ءتيىستى ساپاسىن قامتاماسىز ەتۋدى تاپسىردى. تۇرعىن ۇيلەردى بارلىق ينجەنەرلىك جەلىلەرگە بىردەن قوسۋ قاجەت. بۇل رەتتە جول ينفراقۇرىلىمى مەن الەۋمەتتىك نىسانداردى تەزىرەك قالپىنا كەلتىرۋدى قامتاماسىز ەتۋ ماڭىزدى. اۋرۋحانالار, مەكتەپتەر مەن بالاباقشالار ساپا مەن تەحنيكالىق جاراقتاندىرۋدىڭ زاماناۋي تالاپتارىن ەسكەرە وتىرىپ سالىنۋى كەرەك», دەدى ولجاس بەكتەنوۆ.
پرەمەر-مينيستر جاۋاپتى مينيسترلىكتەر مەن اكىمدىككە بىرقاتار تاپسىرما جۇكتەدى.
