فوتو: polisia.kz
16 شىلدەدە جەرگىلىكتى تۇرعىن قوسشى قالاسىنىڭ پوليتسيا بولىمىنە جۇگىنىپ, ونىڭ 10 جاسار قىزى ۇيدەن كەتىپ قالعانىن جانە ونىڭ قايدا ەكەنىن انىقتاي الماعانىن حابارلادى.
«اقپارات تۇسكەن بويدا پوليتسيا ءبولىمىنىڭ جەكە قۇرامى كامەلەتكە تولماعاندى ىزدەۋگە باعىتتالدى. پوليتسەيلەر ءجاسوسپىرىمنىڭ بولۋى مۇمكىن ورىندار مەن مەكەنجايلاردى تەكسەردى. ءتارتىپ ساقشىلارى جوعالعان قىزدىڭ فوتوسۋرەتتەرى بار حابارلامالاردى الەۋمەتتىك جەلىگە جاريالادى. سودان بىرنەشە ساعات ىشىندە قىزدىڭ ورنالاسقان جەرى انىقتالدى, ءجاسوسپىرىمدى تاكسي جۇرگىزۋشىسى تانىپ قالعان. بەلگىلى بولعانداي, سەرۋەندەۋگە شىققان قىز اداسىپ قالعان. ءجاسوسپىرىم تاكسي جۇرگىزۋشىسىنە قوڭىراۋ شالۋعا ءوتىنىش جاسادى. سول ساتتە WhatsApp-تان كەلگەن حابارلامانى كورگەن جۇرگىزۋشى ءىس-ءتۇزسىز جوعالعان كامەلەتكە تولماعان قىزدى تانىعان. ەر ادام بۇل تۋرالى پوليتسەيلەرگە دەرەۋ حابارلادى», دەلىنگەن حابارلامادا.
ايتا كەتەيىك, جاسوسپىرىمگە قاتىستى ەشقانداي زاڭسىز ارەكەتتەر جاسالماعان.
