فوتو: Polisia.kz
كەلىسىمنىڭ باستى ماقساتى – سالاۋاتتى ءومىر سالتىن ناسيحاتتاۋ, ەلىمىزدە وليمپيادالىق قوزعالىستىڭ تۇراقتى دامۋىن قامتاماسىز ەتۋ.
«سپورت» پەن «پوليتسيا» جاقىن ۇعىمدار. بۇعان ىشكى ىستەر مينيسترلىگى جانىنداعى «دينامو» دەنە شىنىقتىرۋ-سپورت قوعامى دالەل بولا الادى. اتالمىش ۇيىم – سپورت ساڭلاقتارىنىڭ قارا شاڭىراعى, وتاندىق سپورتتىڭ اجىراماس بولىگى.
«بۇگىنگى كەزدەسۋ سپورتتى دامىتۋ مەن جوعارى ناتيجەلەرگە قول جەتكىزۋدەگى ءوزارا ءىس-قيمىلىمىزدى جالعاستىرادى دەپ سەنەمىن. تاۋەلسىزدىك جىلدارى وليمپيادا ويىندارىندا جەڭىپ العان 71 مەدالدىڭ 66-سى «دينامو» قوعامىنان شىققان سپورتشىلارعا تيەسىلى ەكەنىن اتاپ وتكىم كەلەدى», دەدى ىشكى ىستەر ءمينيسترى ەرجان سادەنوۆ.
تاجىريبەلى بوكسشى, ەل ماقتانىشى گەننادي گولوۆكين دە «دينامو» قاۋىمداستىعىنان شىققان. ۇلتتىق وليمپيادا كوميتەتىنىڭ باسشىسى وتاندىق سپورتتى دامىتۋ بىرلەسكەن كۇش-جىگەردى قاجەت ەتەتىن جاۋاپتى ءىس دەپ سانايدى.
«ۇوك ءبىزدىڭ وليمپياداشىلاردى دايارلاۋدا ىشكى ىستەر مينيسترلىگىنىڭ قولداۋىن جوعارى باعالايدى. ءبىزدىڭ ىنتىماقتاستىعىمىز قازاقستاندا سپورتتى ودان ءارى دامىتۋعا جانە سپورتشىلارىمىزدى الەمدىك ارەناداعى جاڭا جەڭىستەرگە جەتەلەۋگە ىقپال ەتەتىنىنە سەنىمدىمىن. بارىمىزدە ءبىر مىندەت. بىرلەسىپ جۇمىس ىستەيمىز», دەدى گەننادي گولوۆكين.
كەزدەسۋ سوڭىندا ءىىم باسشىسى حالىقارالىق سپورتتى دامىتۋعا قوسقان ۇلەسى ءۇشىن بىلعارى قولعاپ شەبەرىن ۆەدومستۆولىق مەدالمەن ماراپاتتادى.
