فوتو: استانا اكىمدىگى
جۇمىسپەن قامتۋ دەڭگەيى, ينۆەستيتسيا كولەمى جانە ينفراقۇرىلىمدى دامىتۋ سياقتى بارلىق نەگىزگى كورسەتكىشتەر بويىنشا وڭ ديناميكا بايقالعان.
ءبىرىنشى جارتىجىلدىقتاعى قىسقا مەرزىمدى ەكونوميكالىق ينديكاتور 112% قۇراعان. ونەركاسىپ سالاسىندا دا ايتارلىقتاي ءوسىم بايقالىپ, ءونىم كولەمى 13,1 پايىزعا ارتىپ, 1 ترلن تەڭگەدەن اسقان, وڭدەۋ ونەركاسىبىندەگى ءوسىم - 16,5%.
جۇمىس ىستەپ تۇرعان شاعىن جانە ورتا بيزنەس سۋبەكتىلەرى 6,5 پايىزعا ارتىپ, 234 مىڭنان استام ادام جۇمىسپەن قامتىلعان.
ينۆەستيتسيالاردىڭ ءوسۋى دە بايقالىپ, 13,2 پايىزدى قۇراپ, 632 ملرد تەڭگەگە جەتكەن. جەكە ينۆەستيتسيالار 13,9 پايىزعا دەيىن وسكەن, اتالعان كورسەتكىش – قالانىڭ ينۆەستيتسيالىق كليماتىنا دەگەن سەنىمدىلىكتىڭ جوعارى دەڭگەيىن كورسەتەدى. بولشەك تاۋار اينالىمىنىڭ كولەمى 1 ترلن 114 ملرد تەڭگە, بۇل 2023 جىلدىڭ ءبىرىنشى جارتىجىلدىعىمەن سالىستىرعاندا 7 پايىزعا كوپ.
اتالعان كورسەتكىشتەر استانانىڭ دامۋىنداعى وڭ ۇردىستەردى كورسەتىپ وتىر جانە ودان ءارى ستراتەگيالىق جوسپارلاۋ مەن قالانىڭ ورنىقتى دامۋى بويىنشا نەگىزگى مىندەتتەردى ىسكە اسىرۋ ءۇشىن نەگىز بولماق.
