«كۇندىزگى 11 شاماسىندا سول ماڭايدا پاتەر ىزدەپ جۇرگەن ەدىم. كوپىردەن ءوتىپ بارا جاتىپ كىشكەنە بالالاردىڭ جانۇشىرعان داۋسىن ەستىگەن كۇيدە سۋ جاعاسىنا جۇگىردىم. قاراسام بالا اعىپ بارادى. بىردەن كومەككە ۇمتىلىپ, جاعاعا الىپ شىقتىم. بالا سۋعا تۇنشىعىپ, السىرەپ قالعان ەكەن. مەنىڭ ورنىمدا باسقا ادام بولسا دا وسىلاي ەتەر ەدى», – دەيدى بالانى اجالدان امان الىپ قالعان رايىمبەك اۋدانى نارىنقول اۋلىنىڭ تۋماسى سەرىكجان بوتان.
قاتەردەن بالا ءومىرىن ساقتاپ قالعان 28 جاستاعى ازاماتتىڭ بۇل ەرلىگىن تالعار اۋدانىنىڭ اكىمى تانات ايداربەكوۆ ەسكەرۋسىز قالدىرماي, العىسىن ايتىپ, باعالى سىيلىق تابىس ەتتى.
«وسىنداي باعا جەتپەس ادامگەرشىلىك قاسيەتىڭىزگە جانە سۋعا باتقان بالانى قۇتقارعان ەرلىك ءىسىڭىز ءۇشىن العىس بىلدىرەمىن. قىراعىلىق پەن ەرجۇرەكتىككە باۋلىپ وسىرگەن اتا-اناڭىزعا دا ريزاشىلىعىمىز شەكسىز. سىزگە جانە جاقىندارىڭىزعا مىقتى دەنساۋلىق, قاجىماس قايرات جانە بەيبىت ءومىر تىلەيمىن», دەدى اۋدان باسشىسى.
ادام ءومىرىن قۇتقارۋدا كورسەتكەن باتىلدىعى ءۇشىن سەرىكجان سەمباي ۇلىنا اۋدان اكىمى العىسحاتپەن قوسا, سالتاناتتى تۇردە سوڭعى نۇسقاداعى ءىPad-تى تابىس ەتە وتىرىپ, مۇنداي باتىل قادامعا بارعان باتىرلاردىڭ ءىس-ارەكەتى مەن ەسىمىن ەل-جۇرتى بىلە جۇرگەنى ءجون ەكەنىن ەرەكشە اتاپ ءوتتى.
الماتى وبلىسى
