جيىن بارىسىندا س.جاقىپوۆا مەملەكەت باسشىسىنىڭ الەۋمەتتىك-ەڭبەك سالاسىنداعى تاپسىرمالارىنىڭ ىسكە اسىرىلۋى تۋرالى باياندادى. اتاپ ايتقاندا, بازالىق زەينەتاقىنىڭ كەزەڭ-كەزەڭىمەن ۇلعايۋى, ىنتىماقتى زەينەتاقىنى ەسەپتەۋ ءۇشىن ەڭ جوعارى تابىستىڭ كوبەيۋى, الەۋمەتتىك كودەكستى ىسكە اسىرۋ اياسىندا الەۋمەتتىك قولداۋ شارالارىنىڭ كۇشەيۋى, وتباسىنىڭ تسيفرلىق كارتاسىن ەنگىزۋ ناتيجەلەرى, ەل ازاماتتارىن جۇمىسپەن قامتۋ بويىنشا قابىلدانىپ جاتقان شارالار جونىندە باياندادى.
سونداي-اق مينيستر ەڭ تومەنگى جالاقىنى انىقتاۋدىڭ جاڭا ادىستەمەسى, 2023–2027 جىلدارعا ارنالعان كوشى-قون ساياساتىنىڭ, 2024–2029 جىلدارعا ارنالعان ەڭبەك نارىعىن دامىتۋ, 2030 جىلعا دەيىنگى قاۋىپسىز ەڭبەك تۇجىرىمدامالارى تۋرالى دا تارقاتىپ ءوتتى. ۇزاق ۋاقىت بويى زياندى ەڭبەك جاعدايلارىندا جۇمىس ىستەگەن ادامداردى الەۋمەتتىك قورعاۋدى كۇشەيتۋ, مۇگەدەكتىگى بار ادامداردىڭ ءومىر ءسۇرۋ ساپاسىن ارتتىرۋ بويىنشا قابىلدانىپ جاتقان شارالار جانە پلاتفورمالىق جۇمىسپەن قامتۋدى رەتتەۋ بويىنشا جۇرگىزىلىپ جاتقان جۇمىستار جايى تىلگە تيەك بولدى.
كەزدەسۋ بارىسىندا س.جاقىپوۆا وڭىردەگى اعىمداعى جاعدايدى تالقىلاپ, بىرقاتار پروبلەمانى شەشۋ جولدارىن ۇسىندى. ماسەلەن, الماتى وبلىسىنىڭ حالىق سانى 1,5 ملن ادامدى قۇرايدى, ونىڭ 16%-ى (246 مىڭ) – قالالىق, 84%-ى (1,3 ملن) – اۋىلدىق. 2050 جىلعا قاراي حالىق سانى 61%-عا ارتىپ, 2,4 ملن ادامعا جەتەدى. جۇمىس كۇشىنىڭ سانى – 751 مىڭ ادام, 2050 جىلعا قاراي 1,1 ملن ادامعا (+44%) دەيىن وسەدى. بۇگىنگى تاڭدا جالدامالى جۇمىسكەرلەردىڭ ۇلەسى – 68%, ءوزىن-ءوزى جۇمىسپەن قامتىعانداردىڭ ۇلەسى 32%-دى قۇرايدى. جۇمىسقا جارامدى جاستار سانى – 400 مىڭ ادام (56%). ۇلتتىق ستاتيستيكا بيۋروسىنىڭ مالىمەتتەرى بويىنشا جۇمىسسىزدىق دەڭگەيى 4,6%-دى قۇرايدى. وڭىردەگى ورتاشا جالاقى – 227,4 مىڭ تەڭگە, بۇل جالپى رەسپۋبليكالىق كورسەتكىشتەن تومەن.
«وڭىردە اكۋشەر-گينەكولوگتەردىڭ, نەوناتولوگتەردىڭ, پەدياترلار مەن انەستەزيولوگ-رەانيماتولوگتەردىڭ تاپشىلىعى, سونداي-اق اۋىلدىق وكرۋگتەر ماماندارىنىڭ كومپيۋتەرلىك ساۋاتتىلىعىنىڭ تومەن دەڭگەيى بايقالادى. مەملەكەت شىعىندارى 164,3 ملرد تەڭگەنى قۇرايتىن ۇلتتىق جوبالاردى ىسكە اسىرۋ شەڭبەرىندە جىل باسىنان باستاپ رەسپۋبليكا بويىنشا 2,4 مىڭ جۇمىس ورنى نەمەسە ونىڭ جالپى سانىنىڭ 4% عانا قۇرىلدى», دەپ اتاپ ءوتتى مينيستر.
سالا باسشىسى مەديتسينالىق ماماندىقتار بويىنشا كادرلاردى دايارلاۋدى ۇلعايتۋدى جانە ونلاين-وقىتۋ ارقىلى قىزمەتكەرلەردىڭ كومپيۋتەرلىك ساۋاتتىلىق دەڭگەيىن ارتتىرۋدى ۇسىندى.
«جىل سايىن قۇرىلاتىن ساپالى جۇمىس ورىندارىنىڭ سانىن 2024 جىلعى 98 مىڭنان 2029 جىلى 160 مىڭعا دەيىن ۇلعايتۋ قاجەت. 2025 جىلعا قاراي جۇمىسسىزدىق دەڭگەيىن 4,5%-عا دەيىن تومەندەتۋدى, ەكونوميكاداعى ورتا كاسىپكەرلىك ۇلەسىن 21,1%-عا دەيىن ۇلعايتۋدى قامتاماسىز ەتۋ ماڭىزدى. حالىقتى جۇمىسپەن قامتۋ سالاسىندا مەملەكەتتىك قولداۋدىڭ بارلىق قۇرالىن قولدانۋ قاجەت», دەدى ول.
الماتى وبلىسىنىڭ اكتيۆىمەن كەزدەسۋدە س.جاقىپوۆا الەۋمەتتىك-ەڭبەك سالاسىنىڭ بىرنەشە اقپاراتتىق جۇيەسىنىڭ مۇمكىندىگىن كورسەتتى. مينيستر وتىرىسقا قاتىسۋشىلاردى ەڭبەك تاۋەكەلدەرىنىڭ تسيفرلىق كارتاسىمەن جانە ەڭبەك قاتىناستارى جانە ەڭبەك قاۋىپسىزدىگى مەن ەڭبەكتى قورعاۋدى قامتاماسىز ەتۋ سالالارىندا مونيتورينگ پەن باقىلاۋدى جۇزەگە اسىرۋعا مۇمكىندىك بەرەتىن كاسىپورىنداردىڭ تسيفرلىق كارتاسىمەن تولىققاندى تانىستىردى. قازاقستاندىقتاردىڭ ءال-اۋقاتى دەڭگەيىن انىقتاۋدىڭ جانە پرواكتيۆتى فورماتتا مەملەكەتتىك قولداۋ شارالارىن كورسەتۋدىڭ نەگىزگى قۇرالى رەتىندە وتباسىنىڭ تسيفرلىق كارتاسىنا جانە حالىقتى جۇمىسپەن قامتۋ سالاسىندا قىزمەتتەر مەن مۇمكىندىكتەردىڭ كەڭ سپەكترىن ۇسىناتىن ەلەكتروندىق ەڭبەك بيرجاسىنا ەرەكشە نازار اۋدارىلدى.
الماتى وبلىسى
