نۇرعالي ءنۇسىپجانوۆتىڭ بيىل ساحنادا جۇرگەنىنە 70 جىل تولادى. وسىعان وراي ءانشى ارىپتەستەرىمەن بىرگە حالىق ءارتىسىنىڭ جاعدايىن بىلۋگە بارعان.
ونىڭ ايتۋىنشا, حالىق ءارتىسى الاياققا الدانىپ, قازىر پاتەر جالداپ ءجۇر.
- قايىرلى كۇن! سازگەر, ءانشى, ۇستاز باعلان ءبابىجان قۇربىمىز ءبىرازدان بەرى "اعاعا بارىپ قايتايىق" دەپ جۇرگەن. كەشە سونىڭ ءساتى ءتۇستى. حالىق ءارتىسى, بۇگىنگىنىڭ اڭىزى نۇرعالي ءنۇسىپجانوۆ اعامىزعا سالەم بەرىپ باردىق. بيىل ساحنادا جۇرگەنىنە 70 جىل تولادى ەكەن. ءوزى 87 گە كەلىپتى. تالعاردىڭ "اق نيەت" دەگەن ساۋمال ورتالىعىندا جيىلعاندار ءان سۇراعان سوڭ شاما كەلگەنشە بىرنەشە ءان ورىندادىق. باقىت اعا مەن ايزادا اپكە نەمەرەسىن دە الا كەلىپتى. اعادان باتا الىپ, ىرىمداپ جاتىر. ءبىز كەيدە قاسىمىزداعىنىڭ قادىرىن بىلمەي, جەكە قالدىرىپ, قۇسا قىلىپ جاتامىز, نەگە دەگەن سۇراق تۋادى وسىندايدا؟!. اعا جەر ءۇي ساتىپ السام دەپ جيناعان بار اقشاسىن شاۋىلدىردەن كەلگەن ءبىر الاياققا بەرىپ, ەندى سونى الا الماي پاتەردە ءجۇر ەكەن… ءوزىم دە كەزىندە اعادان سۇحبات العان سياقتى ەدىم, بىراق شىن عۇمىر-تاريحىن بىلمەيدى ەكەنبىز عوي…, - دەپ جازدى ول.
