جيىنعا قاتىسۋشىلار كولەڭكەلى ەكونوميكامەن كۇرەستە ءتيىمدى قۇرالداردىڭ ءبىرى بولىپ سانالاتىن تاۋارلاردى تاڭبالاۋدى ەنگىزۋدىڭ وڭ اسەرىن اتاپ ءوتتى.
قازاقستاندا تەمەكى جانە اياق كيىم بۇيىمدارى, سونىمەن قاتار بيىلعى 1 شىلدەدەن بەرى بارلىق ءدارى-دارمەكتەر سايكەستەندىرۋ قۇرالدارىمەن مىندەتتى تاڭبالاۋعا جاتادى.
ساۋدا جانە ينتەگراتسيا مينيسترلىگىنىڭ مالىمەتىنشە, تەمەكى ونىمدەرىن مىندەتتى تاڭبالاۋ ەنگىزىلگەننەن كەيىن ونىڭ بارلىق تۇرلەرى بويىنشا اكتسيز تۇسىمدەرى 25%-عا وسكەن. سونىمەن قاتار كونترافاكتىلىك ونىمدەردى انىقتاۋ مۇمكىندىگى ارتتى.
ماسەلەن, ەلىمىزدە 2022 جىلدان باستاپ 2024 جىلدىڭ ءى توقسانىنا دەيىن 15 ملرد تەڭگە كولەمىندە زاڭسىز تەمەكى ءونىمى تاركىلەندى.
بۇل رەتتە يمپورتتالعان اياق كيىم بۇيىمدارىنان ققس جانە كەدەندىك باج تۇسىمدەرى 293%-عا: 2021 جىلعى 7,8 ملرد تەڭگەدەن 2023 جىلى 30,7 ملرد تەڭگەگە دەيىن ءوستى.
سونىمەن قاتار تاڭبالاۋدى تاۋارلاردىڭ باسقا توپتارىنا ەنگىزۋ جوسپارلارى تالقىلاندى, الداعى 5 جىلعا ارنالعان بولجامدارعا سايكەس, ونى ىسكە اسىرۋ كولەڭكەلى اينالىمدى تاعى دا 926 ملرد تەڭگەگە قىسقارتۋعا, باقىلاناتىن ەكونوميكانىڭ ۇلەسىن 23%-عا, بيۋدجەت تۇسىمدەرىن 270 ملرد تەڭگەگە ۇلعايتۋعا مۇمكىندىك بەرەدى.
ء«بىز ەكونوميكانىڭ اشىق ءارى زاڭدى جۇرۋىنە, نارىعىمىزدىڭ تولىق قاداعالانۋى مەن اشىقتىعىنا قول جەتكىزۋىمىز كەرەك. بۇل رەتتە بيزنەس مۇددەلەرى ەسكەرىلۋى ءتيىس. ورتا مەرزىمدى پەرسپەكتيۆادا تاۋارلاردى تاڭبالاۋعا كوشۋدىڭ ناقتى كەستەسى مەن مەرزىمدەرىن ازىرلەۋ قاجەت. كاسىپكەرلەر وزدەرىن الداعى ۋاقىتتا نە كۇتىپ تۇرعانىن ءبىلۋى كەرەك. ەگەر ءبىز تاۋارلاردىڭ جەكەلەگەن توپتارى بويىنشا ارتتا قالا باستاساق, وندا وندىرۋشىلەرىمىزگە قوسىمشا مەملەكەتتىك قولداۋ كورسەتۋ شارالارىن پىسىقتاۋ قاجەت», — دەپ ولجاس بەكتەنوۆ, سالالىق مەملەكەتتىك ورگاندارعا تاڭبالاۋدى ەنگىزۋدىڭ وڭ اسەرلەرى تۋرالى جۇرتشىلىق پەن بيزنەستى حاباردار ەتۋ جونىندەگى جۇمىستى كۇشەيتۋدى تاپسىردى.
سونداي-اق قازاقستاندا تاۋارلاردى قاداعالاۋدىڭ ۇلتتىق جۇيەسىنىڭ پيلوتتىق جوباسىن ىسكە اسىرۋ بارىسى قارالدى. اتالعان جوبا تاۋارلاردىڭ جەتكىزۋشىلەردەن ساتىپ الۋشىلارعا ءوتۋىن قاداعالاۋعا, بۇكىل جەتكىزۋ تىزبەگىن باقىلاۋعا, ناقتى ۋاقىت رەجيمىندە تاۋارلاردىڭ وڭىرلىك اۋىل شارۋاشىلىعى وندىرىستىك كووپەراتيۆتەرى قويمالارىندا بولۋى جانە قوزعالىسى تۋرالى اقپاراتتى تىركەۋگە مۇمكىندىك بەرەدى. سونداي-اق دەرەكتەردى وڭدەۋ ۋاقىتىن قىسقارتادى ءارى تاۋار اينالىمىن باقىلاۋدىڭ تيىمدىلىگىن ارتتىرادى.
پيلوتتىق جوبانى ىسكە اسىرۋ ناتيجەسىندە 89,4 ملرد تەڭگە كولەمىندە اۋىل شارۋاشىلىعى وندىرىستىك كووپەراتيۆتەرىنىڭ شارتتارى 100% تسيفرلاندىرىلدى, الەۋمەتتىك ماڭىزى بار ازىق-ت ۇلىك تاۋارلارىن وندىرۋشىلەر مەن وتكىزۋشىلەردىڭ 95%-ى قامتىلدى.
بۇعان قوسا, ۇلتتىق جۇيەنى كەڭەيتۋ جانە وعان 58 تاۋار پوزيتسياسىنان تۇراتىن ازىق-ت ۇلىك سەبەتى مەن سونىڭ نەگىزىندە ينفلياتسيا ەسەپتەلەتىن 488 تاۋاردان تۇراتىن تىزبەنى ەنگىزۋ جوسپارلارى قارالدى.
كەڭەس قورىتىندىسى بويىنشا ۇكىمەت باسشىسى ءتيىستى مينيسترلىكتەرگە كونترافاكتىلىك تاۋارلاردى انىقتاۋ شارالارىن كۇشەيتۋدى, سونداي-اق اياقتالعان پيلوتتىق جوبالار بويىنشا تاۋار توپتارىن مىندەتتى تاڭبالاۋدى ەنگىزۋ جانە باعالاردىڭ سەنىمدى ءارى جەدەل مونيتورينگىن قامتاماسىز ەتۋ ماقساتىندا تاۋارلاردىڭ بىرىڭعاي كاتالوگىن زاڭنامالىق تۇرعىدان بەكىتۋ ماسەلەلەرىن پىسىقتاۋدى تاپسىردى.
