رەسپۋبليكا بويىنشا 181 مىڭنان استام تالاپكەر (ەكى مۇمكىندىكتە ەسەپكە العاندا 326 مىڭ رەت) ۇبت تاپسىردى.
ونىڭ ىشىندە:
- تالاپكەرلەردىڭ 75,1% - ى قازاق تىلىندە, 24,8% - ى ورىس تىلىندە, 168 ادام اعىلشىن تىلىندە تەستىلەۋدەن ءوتتى;
- شەكتى بالدى 76,4%-عا جۋىق (139 مىڭ) تالاپكەر جينادى;
- ورتاشا بالل – 68 بالل;
- 641 ەرەكشە ءبىلىم بەرۋ قاجەتتىلىگى بار بالا قاتىستى;
- ەڭ جوعارى بالل – 140.
ەرەجە بۇزعانى ءۇشىن 628 ادامنىڭ ناتيجەلەرى جويىلدى. اتاپ وتسەك:
- سمارتفون, شپارگالكا جانە باسقا دا تىيىم سالىنعان زاتتاردى الىپ ءوتۋ ارەكەتى سالدارىنان 393 تالاپكەر تەست تاپسىرۋ مۇمكىندىگىنەن ايىرىلدى;
- تەستىلەۋ كەزىندە ەرەجەلەردى بۇزعانى ءۇشىن اۋديتوريادان 188 ادام شىعارىلدى;
- بەينەجازبالاردى تەكسەرۋدەن سوڭ ەرەجە بۇزعان 47 ادامنىڭ ناتيجەسى جويىلدى;
- بوگدە تۇلعالار انىقتالعان جوق.
ايتا كەتەيىك, بيىل 65 مىڭنان استام اپەللياتسيالىق ءوتىنىش كەلىپ ءتۇستى. اپەللياتسيانى قاراستىراتىن كوميسسيا جۇمىسىن 13-14 شىلدە اياقتايدى, سودان كەيىن تالاپكەرلەردىڭ سەرتيفيكاتتارى جەكە كابينەتتە قولجەتىمدى بولادى.
سونداي-اق ۇبت كەزەڭىندە ەلەكتروندىق پوشتا, call-ورتالىق, الەۋمەتتىك جەلىلەر بويىنشا 300 مىڭعا جۋىق ءوتىنىش وڭدەلدى.
ەستەرىڭىزگە سالا كەتەيىك, 2024 جىلعى ۇبت اياقتالعاننان كەيىن كۇنتىزبەلىك جىلدىڭ 31 قازانىنا دەيىن تەستىلەۋدىڭ بەينەجازبالارىنا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە ەرەجەلەردى بۇزۋ فاكتىلەرى انىقتالعان جاعدايدا ءتۇسۋشىنىڭ ۇبت ناتيجەلەرى جويىلادى.
