فوتو: سەناي
دەپۋتاتتار بۇگىنگى كۇنگە دەيىن №1 قالالىق اۋرۋحانادا بۇيرەك ترانسپلانتاتسياسى بويىنشا 225 وپەراتسيا جانە باۋىر ترانسپلانتاتسياسى بويىنشا 35 وپەراتسيا جاسالعانى تۋرالى حاباردار بولدى. دەپۋتاتتارمەن كەزدەسۋ بارىسىندا دارىگەرلەر ورگاندار دونورلىعىنا قوعامدا وڭ كوزقاراس قالىپتاستىرۋ, دونورلار تاپشىلىعىنىڭ الدىن الۋدىڭ زاڭنامالىق تەتىكتەرىن جەتىلدىرۋ جونىندە پىكىر الماستى.
№2 قالالىق كوپسالالى اۋرۋحانادا سەناتورلارعا نەيروحيرۋرگيا ورتالىعىنىڭ جۇمىسى تۋرالى ايتىلدى. مۇندا ۇلتتىق نەيروحيرۋرگيالىق ورتالىقتىڭ بىلىكتى دارىگەرلەرى جۇمىس ىستەيدى, سونداي-اق ينسۋلت العان پاتسيەنتتەردىڭ جان-جاقتى قالپىنا كەلۋىنە مۇمكىندىك بەرەتىن انگيوگرافيالىق قۇرىلعى ورناتىلعان. الايدا مەكەمە باسشىلىعىنىڭ ايتۋىنشا, اۋرۋحانا قارجىنىڭ جەتىسپەۋشىلىگىنە بايلانىستى ءوز مۇمكىندىكتەرىن تولىق پايدالانا الماي كەلەدى. ويتكەنى جوعارى تەحنولوگيالىق مەديتسينالىق كومەككە مۇقتاج پاتسيەنتتەرگە قاجەتتى قارجى وتىنىمگە سايكەس تولىق تولەنبەي وتىر.
سەناتورلار شىمكەنتتەگى ەكى كلينيكالىق اۋرۋحانانىڭ جاعدايىمەن تانىستى جانە وسىنداعى پروبلەمالاردى باقىلاۋعا الاتىن بولدى. ساپار بارىسىندا ناۋقاستار تاپ بولاتىن پروبلەمالاردى شەشۋ جونىندە ءتيىستى مەكەمەلەردىڭ وكىلدەرىمەن ماسەلەلەردى بىرگە تالقىلادى.
