ءبىلىم-ىلىمگە قۇشتار جاستىڭ تاۋداي تالپىنىسىنىڭ ناتيجەسىندە ماقسۇت نارىكباەۆ اتىنداعى ۋنيۆەرسيتەتتىڭ «قازاق-اعىلشىن ءتىلى جانە لينگۆيستيكاسى» ماماندىعىن مەڭگەرۋگە مۇمكىندىك الدى. 2022 جىلى ستۋدەنتتىك شاقتىڭ ەسىگىن اشقان ايىم ايتپانبەت بيىلعى جازدا جوعارى وقۋ ورنىن ءتامامداپ, ديپلومىن قورعاپ شىقتى. باقىتتان ءجۇزى بال-بۇل جانعان ايىم ەل استاناسى تۋرالى تولعانىسىن تىلگە تيەك ەتتى.
«ۇبت-دان جوعارى بالل الىپ, گرانت يەگەرى اتانعاننان كەيىن استاناداعى وقۋ ورنىن تاڭدادىم. سەبەبى ەلىمىزدىڭ باس قالاسىنا كەلىپ, ستۋدەنتتىك شاقتى وتكىزۋ ارمانىم ەدى. استانا – جاستاردىڭ قالاسى. ەلىمىزدىڭ مادەنيەتى مەن رۋحانياتىنىڭ ورتالىعىنا اينالدى. مۇنداعى كوكپەن تالاسقان ءزاۋلىم عيماراتتار وركەنيەتتى ەلدەردەن ەش كەم ەمەستىگىمىزدى, ارقا توسىندە وزىنشە ورنەكتەلگەن تەڭدەسسىز اسەم قالامىز بارىن ايقىندايدى. كوشەلەرى كەڭ ەتىپ جاسالعان, جاسىل جەلەك ءوسىپ, جىلدان-جىلعا كوركەيىپ كەلە جاتقان قالامىزدا ۇنەمى سامال سوعىپ تۇرادى. استانالىق جاستار ۇزدىكسىز وقۋ جانە ىزدەنىستە جۇرەتىندىگىمەن ەرەكشەلەنەدى», دەيدى ايىم اسحاتقىزى.
كەلەشەگى زور قالاعا باۋىر باسقان ايىم ءوزى قالاعان «قازاق-اعىلشىن ءتىلى جانە لينگۆيستيكاسى» ماماندىعىن جەتىك مەڭگەرۋ ارقىلى مەملەكەتتىك ءتىلىمىزدىڭ وركەندەۋىنە, ونىڭ قولدانىس اياسىنىڭ كەڭەيۋىنە سۇبەلى ۇلەس قوسارىنا سەنىمدى. ستۋدەنت شاعىندا تەرەڭ ءبىلىم الۋمەن قاتار, باسەكەلى سايىستارعا, ينتەللەكتۋالدى جارىستارعا قاتىسۋدا بەلسەندىلىگىمەن تانىلدى.
تالاپتى جاس ءوز سالاسى بويىنشا «لينگۆو الاڭ», «لينگۆيستيكا» سىندى رەسپۋبليكالىق وليمپيادالاردىڭ 1-ءشى جانە 2-ورىن جۇلدەگەرى اتاندى. 2021–2022 جىلدارى ۋنيۆەرسيتەتتىڭ «وردا» پىكىرسايىس ورتالىعىنىڭ پرەزيدەنتى بولسا, ودان كەيىن ەرىكتىلەر توبىندا دا قىزمەت ەتكەن ايىم اسحاتقىزى استانا تورىندە وتكەن Nobel fest كەزىندە نوبەل سىيلىعىنىڭ يەگەرلەرىمەن تاڭعى اس ءىشۋ قۇرمەتىنە يە بولعانىن ماقتان ەتەدى.
سونداي-اق 1-مەكتەپ ليگاسىنداعى جانە 3-رەسپۋبليكالىق دەڭگەيدەگى گراند دەبات تۋرنيرلەرىنىڭ باس ۇيىمداستىرۋشىسى جانە باس تورەشەسى بولا ءجۇرىپ, تاجىربيەسىن شىڭداعان ايىم بىلتىر اكادەميالىق ۇتقىرلىق بويىنشا چەحياداعى وستراۆا ۋنيۆەرسيتەتىندە 1-سەمەستردى وقىپ, 9 مەملەكەتتە, 17 قالاسىندا بولعانىن ايرىقشا اتادى.
«Work and travel جوباسىمەن ماسساچۋسەتس شاتاتىندا, كەيپ كود اۋدانىندا 3 اي بولدىم. بۇل ساپاردان العان اسەرىم ايرىقشا جانە زور جاۋاپكەرشىلىك جۇكتەدى. سەبەبى تاۋەلسىز ەلىمىزدىڭ كەلەشەگىنە قىزمەت ەتەتىن جاستار مەملەكەتىمىزدىڭ تاراپىنان جاسالىپ وتىرعان قولداۋلارعا يەمىز. وعان قوسا اتا-انا, باۋىرلارىمىزدىڭ سەنىمىن اقتاۋ قاجەتتىگىن دە سەزىنەمىز», دەگەن ايىم اسحاتقىزى ۋنيۆەرسيتەتتىڭ 30 جىلدىعىنا وراي توسبەلگىمەن ماراپاتتالىپ, ۋنيۆەردىڭ توپ-40, ياعني «التىن كىتاپتىڭ» ءبىر مۇشەسى بولعانىن اتاۋ ارتىق ەتپەس.
الماتى وبلىسى
