وبلىستىق ستاتيستيكا دەپارتامەنتىنىڭ مالىمەتتەرىنە سايكەس, وسىنىڭ 10962,9 ملن. تەڭگەسى مال شارۋاشىلىعىنىڭ ۇلەسىنە تيەدى, مۇنداعى ءونىم كولەمى 1,5 پايىزعا ءوستى. جىل باسىنان بەرى تىرىلەي سالماقپەن العاندا, 24,0 مىڭ توننا ەت (103,2 پايىز), 75,9 مىڭ توننا ءسۇت (101,5 پايىز), 50,4 ملن. دانا جۇمىرتقا (119,7 پايىز) ءوندىرىلدى. ەت ءونىمىنىڭ 16,3 پايىزى – جاڭاقالا, 15,6 پايىزى – زەلەنوۆ, 11,7 پايىزى اقجايىق اۋدانىنىڭ ەنشىسىندە بولسا, ءسۇت وندىرۋشىلەر نەگىزىنەن تەرەكتى (18,5 پايىز), زەلەنوۆ (15,6 پايىز), ءبورلى (12,8 پايىز) اۋداندارىندا شوعىرلانعان. جۇمىرتقانىڭ 58,0 پايىزىن ورال قالاسى ماڭىنداعى شارۋاشىلىقتار, 15,9 پايىزىن زەلەنوۆ اۋدانى شارۋاشىلىقتارى وندىرەدى. وڭىردە ءىرى قارادان باسقا مال باسى ءوسىپ وتىر. قازىرگى كەزدە وبلىستا 509,0 مىڭ باس ءىرى قارا (وتكەن جىلعى وسى كەزبەن سالىستىرعاندا 98,3 پايىز), 878,2 مىڭ قوي (105,2 پايىز), 251,6 مىڭ ەشكى (104,8 پايىز), 74,5 مىڭ جىلقى (106,7 پايىز), 3,8 مىڭ تۇيە (100,6 پايىز), 31,2 مىڭ شوشقا (100,4 پايىز), 969 مىڭ قۇس (98,4 پايىز) باعىلۋدا.
تەمىر قۇسايىن. باتىس قازاقستان وبلىسى.
1 000 000 000 وتكەن جىلى الماتى قالاسىنىڭ اينالاسىندا ازىق-ت ۇلىك قاۋىپسىزدىگىن قامتاماسىز ەتۋ ماقساتىمەن ۇيىمداستىرىلعان جارمەڭكەلەردە تۇتىنۋشىعا وسىنشاما تەڭگەنىڭ ازىق-ت ۇلىگى جەتكىزىلىپتى. مەملەكەت باسشىسىنىڭ تاپسىرماسىمەن الماتى قالاسىنىڭ اينالاسىندا ازىق-ت ۇلىك بەلدەۋىن قۇرۋ تاپسىرماسىنا وراي جەتىسۋلىقتار ۇيىمداستىرعان جارمەڭكە جاڭا ماۋسىمداعى جۇمىسىن باستادى. جىل سايىن تاجىريبە جيناقتاعان وڭىردەگى شاعىن جانە ورتا كاسىپ يەلەرى مەن شارۋا قوجالىقتارى وندىرگەن ەكولوگيالىق جاعىنان تازا ونىمدەرىن تۇتىنۋشىعا ۇسىندى. قازىرگى كەزدە وڭىردە 317 جىلىجاي جۇمىس ىستەسە, وتكەن مەرزىمدە ولاردان 1035 توننا ءونىم جينالدى. جارمەڭكەگە بۇل جولى جەتىسۋلىق تاۋار وندىرۋشىلەر ازىق-ت ۇلىكتىڭ 45 ءتۇرىن اكەلىپ, ساۋدالادى. وتكەن جىلى ءوڭىر كاسىپكەرلەرى 647 اۋىل شارۋاشىلىعى جارمەڭكەسىن ۇيىمداستىرىپ, 70-تەن استام تاۋار ءتۇرىن ساۋدالاعان ەدى. ونى قارجىعا شاققاندا 1 ملرد. تەڭگەنى قۇراسا, 12 جارمەڭكە تىكەلەي الماتى قالاسىندا وتكىزىلدى.
كۇمىسجان بايجان. الماتى وبلىسى.
571 456 000 ۇستىمىزدەگى جىلى “بيزنەستىڭ جول كارتاسى - 2020” باعدارلاماسى شەڭبەرىندە جەرگىلىكتى كاسىپكەرلەرگە ماقساتتى ترانسفەرتتەر ەسەبىنەن وسىنشا قارجى بولىنگەن. ەگەر سارالاپ ايتار بولساق, اتالمىش باعدارلاماداعى باسىم باعىتقا يە بولىپ وتىرعان نەسيە پايىزىن سۋبسيديالاۋعا 179 ملن. 184 مىڭ, نەسيەلەردى كەپىلدەندىرۋگە 81 ملن. 446 مىڭ, ال سەرۆيستىك قىزمەت كورسەتۋگە 32 ملن. 579 مىڭ تەڭگە قارالعان. سونداي-اق شەتەل رىنوگىنا تاۋار تاسىمالداۋشىلاردى قولداۋعا 81 ملن. 447 مىڭ جانە ينفراقۇرىلىمدى دامىتۋ باعىتىنا 196 ملن. 800 مىڭ تەڭگە قاراجات قاراستىرىلعان. بۇگىندە سىر ايماعىندا 54 يندۋستريالىق-يننوۆاتسيالىق جوبا ىرىكتەلىپ الىنسا, اعىمداعى جىلى وسىنىڭ 10-ى جۇزەگە اسىرىلماق. جوعارىداعى جوبالاردى جۇزەگە اسىرۋ بارىسىندا 8 مىڭعا جۋىق جاڭا جۇمىس ورىندارى اشىلادى دەگەن بولجام بار.
ەركىن ءابىل. قىزىلوردا وبلىسى.
