اتىراۋ تەمىرجولشىلارىنىڭ بەينەبايانى عالامتوردا جاريالاندى

اتىراۋ. 21 قاڭتار. وتاندىق تەمىر جول سالاسىنىڭ اتىراۋداعى بولىمشەسىندە جۇمىس جاسايتىن ءبىر توپ تەمىرجولشىنىڭ قاتىسۋىمەن تۇسىرىلگەن بەينەبايان عالامتورعا جاريالانىپ, الەۋمەتتىك جەلىلەردى قولدانۋشىلاردىڭ ىقىلاسىنا بولەندى. بۇل تۋرالى egemen.kz ءتىلشىسى حابارلادى. عالامتورداعى بەينەباياندا تەمىر جول سالاسىندا ءار ءتۇرلى ماماندىق بويىنشا جۇمىس جاسايتىن جىگىتتەر «One Direction» توبىنىڭ «What Makes You Beautiful» ءانىن ورىندايدى. ولار وسى ءاندى ورىنداۋمەن شەكتەلمەي, بەينەبايان تۇسىرگەن. ءبىر تاڭدانارلىعى, بەينەبايانعا ءتۇسىپ, ءان ورىنداعان تەمىرجولشىلار ءار ءتۇرلى ماماندىقتى مەڭگەرىپتى. ماسەلەن, بەكجان جيەنبەتوۆ ديسپەتچەر,  ابزال عابباسوۆ ديرەكتوردىڭ كومەكشىسى, ازامات بەكقوجيەۆ وپەراتور بولسا, ارتۋر ءابدىروۆ ءماشينيستىڭ كومەكشىسى, قارتان باۋىرجان كادر ءبولىمىنىڭ باسشىسى بولىپ جۇمىس جاسايدى. بەينەبايانعا تۇسۋگە د.نۇرپەيىسوۆا اتىنداعى تەمىر جول بەكەتىنىڭ كەزەكشىسى ازامات ايماعامبەتوۆ پەن ينجەنەر دميتري جۋريلو دا تارتىلىپتى. بەينەباياندا ورىندالعان ءان قۇلاققا جاعىمدى ەستىلەدى. تەمىرجولشىلار بەينەبايان سوڭىندا «قتج-دا كوڭىلسىز  ادام جۇمىس ىستەي المايدى» دەگەن جازبا قالدىرىپتى. مۇنىڭ «قازاقستان تەمىر جولى» كوماپنياسىنىڭ تارتىمدىلىعىن ارتتىرۋ تۇرعىسىندا تۇسىرىلگەنى بايقالادى. جولداسبەك شوپەعۇل. دەرەك: egemen.kz. سۋرەت: gazeta.kz.