ماسەلەن, سەمەي قالاسىنداعى گەولوگيالىق بارلاۋ كوللەدجىنىڭ بازاسىنداعى «جاس گەولوگ» كاسىپتىك باعدار بەرۋ لاگەرىندە گەولوگيا عىلىمىن ءجىتى تانۋعا باسا نازار اۋدارىلعان. اسىرەسە بالالاردى گەولوگيا سالاسىنا تارتۋ ماقساتىندا ارنايى عىلىمي زەرتتەۋلەر مەن تۋريستىك مارشرۋتتار ۇيىمداستىرىلادى. سوندىقتان وقۋشىلار بۇل لاگەرگە وقۋ جىلىنىڭ ەكىنشى سەمەسترىنەن قابىلدانعان. كاسىپتىك باعدارلاۋ لاگەرى ءۇش كەزەڭدى قامتيدى. ىزدەنىستەردىڭ ناتيجەسىنە سايكەس 15 وقۋشى ششۋچينسك قالاسىندا وتەتىن گەولوگيا سالاسى بويىنشا رەسپۋبليكالىق جارىسقا قاتىسىپ, باقتارىن سىناۋعا ءۇمىتتى. بۇعان قوسا, لاگەر باعدارلاماسى اياسىندا مينەرالوگيالىق مۇراجايعا ساياحات جاساۋ, تاۋ جىنىستارىنىڭ, مينەرالدار مەن قازبالاردىڭ ۇلگىلەرىمەن تانىستىراتىن كاسىبي شەبەرلىك سىنىپتارىنا قاتىسۋ, سپورتتىق جانە شىعارماشىلىق الاڭداردا كونكۋرستار, ۆيكتورينالار وتكىزۋ, تاجىريبەلى وقىتۋشىلاردىڭ كاسىبي پسيحولوگيالىق-پەداگوگيكالىق باسقوسۋىنا بەلسەنە ارالاسۋ دا قاراستىرىلعان.
اباي وبلىسى ءبىلىم باسقارماسى ءباسپاسوز قىزمەتىنىڭ دەرەگىنشە, سەمەي قالاسىنداعى ەلەكتروتەحنيكالىق كوللەدج بازاسىندا دا ء«ىت-لاگەر» كاسىپتىك باعدار بەرۋ جازعى لاگەرى بار. وقۋشىلاردى جۇمىسشى ماماندىقتارىنا جانە وندىرىستىك ۇدەرىسكە ارالاستىرۋدى كوزدەگەن لاگەردىڭ ەرەكشەلىگى مول. مۇندا حاكاتوندار مەن «StartUP» بايقاۋلارىنا جانە IT-باعىتتاعى جارىستارعا قاتىسۋ ءۇشىن وقۋشىلاردى دايىنداۋ ماقساتى قويىلعان. بەيىندىك لاگەردە بالالار روبوتتەحنيكا مەن درونداردى باسقارۋ نەگىزدەرىن ۇيرەنەدى. مۇندا 8 جاستان 14 جاسقا دەيىنگى 10 بالا روبوتتەحنيكانىڭ قىر-سىرىن مەڭگەرىپ, روبوتتى جاساۋ مەن ونى باسقارۋ باعدارلاماسىنا دەيىنگى كەزەڭدەردى يگەرۋگە ماشىقتانادى. سونىمەن بىرگە دروندارمەن جۇمىس ىستەۋ, قۇراستىرۋ, باعدارلامالاۋ جانە باسقارۋ سياقتى ساباقتاردى وقيدى. پراكتيكالىق ساباقتاردا وقۋشىلاردىڭ قاۋىپسىزدىگى باستى نازاردا بولعاندىقتان, وقۋ-جاتتىعۋلار ارنايى بەلگىلەنگەن جەرلەردە وتەدى.
وقۋشىلاردىڭ وسىنداي تانىمدىق بايلىعىن دامىتاتىن جازعى دەمالىس لاگەرلەرىنىڭ ءبىرى بيزنەس جانە سەرۆيس كوللەدجىندە ورنالاسقان. 8 جاستان 14 جاسقا دەيىنگى بالالار مەن جاسوسپىرىمدەردى قامتيتىن «Profi Camp» لاگەرىندە بەلسەندى دەمالىسپەن بىرگە ساۋىقتىرۋ جانە ەرتە باستان كاسىپتىك تەحنيكالىق بىلىمگە باعىتتاۋ ۇسىنىلعان. باعدارلاماداعى «جاس اسپاز», ء«تاتتى ءومىر», ء«وز-وزىنە ستيليست», ء«سان جانە ديزاين حانشايىمى», ء«بىز ءتۋريستپىز» دەپ اتالاتىن بەس نەگىزگى باعىت بالالاردىڭ ينتەللەكتۋالدى ءبىلىمىن نىعايتىپ, شىعارماشىلىق الەۋەتىن اشۋعا مول مۇمكىندىك بەرەدى.
باعدارلاماسىندا كونديتەرلىك, اسپازدىق, تىگىنشىلىك, ديزاين, شاشتاراز ماماندىقتارى جايىندا كاسىبي شەبەرلىك ساباقتارى وتكىزىلىپ, جىلدام دايىندالاتىن تاعامداردى ازىرلەۋ, گولليۆۋدتىق ادىسپەن شاش بۇيرالاۋ سياقتى ءادىس-تاسىلدەر تانىستىرىلادى. سپورتتىق جانە شىعارماشىلىق الاڭدارداعى كۆەستتەر, بايقاۋلار, ءتۇرلى ويىن مەن ۆيكتورينا, كۇندەلىكتى ساياحاتتار مەن تانىمدىق جورىقتار قامتىلعان «Profi Camp» جازعى دەمالىس لاگەرىندە ءۇش ماۋسىم بويى وقۋشىلارعا ءۇش مەزگىل تاماقپەن قامتاماسىز ەتىلەدى.
«كاسىپتىك باعدارلاۋ لاگەرلەرىن ۇيىمداستىرۋ مەكتەپ وقۋشىلارىنىڭ كاسىبي داعدىلارىن قالىپتاستىرۋعا جانە ولاردى ءارتۇرلى سالاداعى بولاشاق ماماندىقتارعا دايارلاۋعا باعىتتالعان. ۇيىمداستىرىلعان لاگەرلەردىڭ باعدارلامالارى بالالارعا پراكتيكالىق ءبىلىم مەن تاجىريبە الۋعا كومەكتەسەدى. بۇل ولاردىڭ كاسىبي جاعىنان قالىپتاسۋعا ماڭىزدى قادام بولادى», دەيدى اباي وبلىسى ءبىلىم باسقارماسى باسشىسىنىڭ ورىنباسارى ايجان قۇرمانوۆا.
كاسىپتىك باعدارلاۋ لاگەرى ارنايى وقۋ ورىندارىنان بولەك, سەمەي قالاسىنداعى شاكارىم اتىنداعى ۋنيۆەرسيتەتتە دە ۇيىمداستىرىلدى. جاراتىلىستانۋ-ماتەماتيكالىق جانە قوعامدىق-گۋمانيتارلىق باعىتتاعى پاندەر بويىنشا مەكتەپ وقۋشىلارىنا ارنالعان «jas akademik-2024» جازعى وقۋ-جاتتىعۋ جيىنىندا مەكتەپ وقۋشىلارى اتالعان پاندەر بويىنشا تەوريالىق بىلىمدەرىن تەرەڭدەتتى. وقۋشىلار تاجىريبەلىك داعدىلارىن دامىتىپ, عىلىمي زەرتتەۋ جۇمىستارىن جۇرگىزۋمەن بىرگە ءارتۇرلى دەڭگەيدەگى وليمپيادالارعا بارۋعا قول جەتكىزدى. جاراتىلىستانۋ جانە ماتەماتيكا باعىتىن تاڭداعان 33 وقۋشى عىلىمي جوبا جازۋ تالاپتارىمەن تانىسۋدان بولەك, وقۋ ورنىنىڭ عىلىمي زەرتتەۋ ورتالىقتارىندا زەرتحانالىق جۇمىستار جۇرگىزدى. ۋنيۆەرسيتەتتىڭ كيىم تىگۋ, جيھاز جاساۋ شەبەرحاناسىنا, ارگوتەحنوپارككە ەكسكۋرسيا جاسادى.
جوعارىدا اتالعان كاسىپتىك باعدارلاۋ لاگەرلەرى وقۋشىلاردىڭ دەمالىس ۋاقىتتارىن ءتيىمدى وتكىزۋگە مۇمكىندىك بەرىپ قانا قويماي, سونىمەن بىرگە ولاردىڭ بولاشاق ماماندىقتارىن تاڭداۋىنا سەپتىگىن تيگىزەرى انىق. «جاس گەولوگ», ء«ىت-لاگەر», «Profi Camp» لاگەرلەرى بالالار مەن جاسوسپىرىمدەردىڭ ءوزارا ءتىل تابىسۋىنا, جاڭا دوستار تابۋىنا, ياعني بالالاردى جان-جاقتى دامىتۋعا جول اشاتىنىن ايتپاسا دا تۇسىنىكتى.
كەلەسى جىلى دا بالالاردىڭ قىزىعۋشىلىعى مەن مۇددەلەرىنە ساي جۇمىس ىستەۋدى قولعا الاتىن كاسىپتىك باعدارلاۋ لاگەرلەرىنىڭ جۇمىسى ودان ءارى جاندانىپ, اباي وبلىسى ءبىلىم باسقارماسىنىڭ باستاماسىمەن جازعى لاگەرلەرگە قاتىساتىن وقۋشىلاردىڭ سانى ودان ءارى كوبەيەدى دەيدى ۇيىمداستىرۋشىلار.
اباي وبلىسى
