فوتو: «AMANAT» پارتياسىنىڭ ءباسپاسوز قىزمەتى
قوعامدىق قابىلداۋ جۇمىسى بارىسىندا ازاماتتارعا قۇقىقتىق كەڭەستەر بەرىلىپ, الەۋمەتتىك ماسەلەلەردىڭ زاڭنامالىق نورمالارى ءتۇسىندىرىلدى. كەزدەسۋ بارىسىندا اۋىلداعى قوردالانىپ قالعان بىرقاتار پروبلەما كوتەرىلىپ, ءتۇيىندى ماسەلەلەر تالقىلاندى. تۇرعىنداردىڭ ءبىرى جول ماسەلەسىن قوزعاسا, وزگەلەرى وڭىردەگى مەديتسينالىق كومەكتى جەتىلدىرۋ كەرەكتىگىن العا تارتتى.
اۋىل اقساقالى ءپىتات احمەتجانوۆ وڭىردەگى اۋىلداردىڭ اكىمشىلىك ءبولىنىسىن قايتا قاراۋدى سۇرادى. نۇرتاي سابيليانوۆ بۇل ماسەلەنىڭ ەڭ الدىمەن جەرگىلىكتى جەردە تالقىلانۋعا ءتيىس ەكەنىن اتاپ ءوتتى. تۇرعىنداردىڭ ۇسىنىسى وبلىس دەڭگەيىندە قولداۋ تاۋىپ جاتسا, ماسەلە ۇكىمەتكە دە جەتەدى.
«بۇعان دەيىن دە ەلدى مەكەندى اۋدانعا قوسۋ ماسەلەسى جان-جاقتى ءارى جۇيەلى تۇردە قاراستىرىلعان. بۇل ماسەلەنى جەرگىلىكتى بيلىك پەن ءماسليحات بىرلەسىپ شەشۋگە ءتيىس. جەرگىلىكتى اتقارۋشى ورگان ءتيىستى شەشىمىن قابىلداعاننان كەيىن ونى وبلىسقا جىبەرەدى. ەگەر وبلىس قولداسا, ماسەلە ۇكىمەتكە جولدانادى. تەك سودان كەيىن ۇسىنىس ەنگىزىلەدى. ال قاراقول سۋ قويماسىنا كەلەر بولساق, بۇل ماسەلە ماجىلىستە كوتەرىلگەن. ەڭ الدىمەن جوبالىق سمەتالىق قۇجاتتار جاسالدى. ودان كەيىن بارىپ قانا وعان كۇردەلى جوندەۋ جۇرگىزىلەدى. بۇل سۋ قويماسىنا كەزىندە بولىنگەن قاراجات دۇرىس يگەرىلمەگەن. ەندى بۇل ماسەلە نازارىمىزدا بولادى», دەدى دەپۋتات.
كەزدەسۋگە ءماجىلىس دەپۋتاتتارىمەن قاتار جەرگىلىكتى بيلىك وكىلدەرى دە قاتىستى. تۇرعىنداردىڭ شاعىمىن اۋىل اكىمى دە ءوز باقىلاۋىنا الىپ, ءتيىستى جۇمىستاردى اتقارۋعا ۋادە بەردى.
