جەكە باستىڭ تىنىشتىعىن بۇزعاندارعا قانشا تەڭگە ايىپپۇل سالىنادى؟

اكىمشىلىك قۇقىق بۇزۋشىلىق تۋرالى كودەكسكە سايكەس, تۇندە تىنىشتىقتى بۇزعان ادامدارعا 2024 جىلى 18 460 تەڭگە - 5 اەك كولەمىندە ايىپپۇل سالىنادى. زاڭبۇزۋشىلىق ءبىر جىل ىشىندە قايتالانسا, ايىپپۇل سوماسى ەكى ەسەلەنەدى.

«اكىمشىلىك زاڭناماعا سايكەس, جۇمىس كۇندەرى ساعات 22:00-دەن 9:00-گە دەيىن, دەمالىس جانە مەرەكە كۇندەرى ساعات 23:00-دەن 10:00-گە دەيىن ازاماتتاردىڭ تىنىشتىعىن بۇزۋعا بولمايدى, ياعني ادامداردىڭ, ونىڭ ىشىندە كورشىلەردىڭ قالىپتى دەمالۋىنا كەدەرگى كەلتىرمەۋ قاجەت. سونداي-اق تۇرعىن ۇيلەردە جانە تۇرعىن ءۇي قۇرىلىسى اۋماقتارىندا ورنالاسقان ويىن-ساۋىق مەكەمەلەرىنىڭ تىنىشتىقتى بۇزۋى 20 اەك ايىپپۇل تۇرىندەگى اكىمشىلىك جازاعا اكەپ سوعادى. وسىعان بايلانىستى ودان كەيىنگى مورالدىق جانە ماتەريالدىق شىعىنداردىڭ الدىن الۋ ءۇشىن تۇرعىنداردى ءوزارا تۇسىنىستىككە, باسقالاردىڭ, ونىڭ ىشىندە كورشىلەردىڭ تىنىشتىعىن قۇرمەتتەۋگە شاقىرامىز», دەدى اقتوبە وبلىسى پوليتسيا دەپارتامەنتى جەرگىلىكتى پوليتسيا قىزمەتى باسقارماسىنىڭ اعا ينسپەكتورى جانداربەك الىباەۆ.

جىل باسىنان بەرى اقتوبە وبلىسىندا 2800-دەن استام ادام پوليتسياعا جۇگىنگەن. مۇنداي زاڭبۇزۋشىلىقتار اسىرەسە جاز ايىندا بولادى.