BBC-ءدىڭ جازۋىنشا, سايلاۋ يراننىڭ بۇرىنعى پرەزيدەنتى ەبراحيم رايسي تىكۇشاق اپاتىنان قازا تاپقاننان كەيىن تاعايىندالدى. 28 ماۋسىمدا وتكەن ءبىرىنشى تۋردا بىردە-ءبىر كانديدات كوپ داۋىس الا الماعان سوڭ, سايلاۋدىڭ ەكىنشى كەزەڭىن وتكىزۋگە تۋرا كەلدى.
سايلاۋ قورىتىندىسىن شىعارعاننان كەيىن پەزەشكيان جاقتاستارىنا العىس ايتتى, دەپ حابارلايدى فرانس پرەسس.
ء«بىز بارلىعىنا دوستىق قولىن سوزامىز, ءبارىمىز وسى ەلدىڭ ادامىمىز, بارلىعىن ەلدىڭ وركەندەۋى ءۇشىن پايدالانۋىمىز كەرەك», - دەدى ول.
بۇرىنعى كارديوحيرۋرگ ماسۋد پەزەشكيان سايلاۋ ناۋقانى كەزىندە يراننىڭ پوليتسياسىن سىنعا الدى. ول يراننىڭ باسقا الەمنەن «وقشاۋلانۋىن» توقتاتۋعا ۋادە بەردى. پەزەشكيان سونىمەن قاتار 2015 جىلعى يادرولىق كەلىسىمدى قايتا جانداندىرۋ بويىنشا باتىسپەن «كونسترۋكتيۆتى كەلىسسوزدەر جۇرگىزۋگە» شاقىردى, وعان سايكەس يران باتىس سانكتسيالارىن جەڭىلدەتۋدىڭ ورنىنا ءوزىنىڭ يادرولىق باعدارلاماسىن شەكتەۋگە كەلىستى.
