فوتو: olympic.kz
قۇرامانىڭ باس باپكەرى ەلدوس سايدالين جولداما يەگەرلەرىنىڭ وليمپياداعا دايىندىعى قالاي وتكەنىن ايتتى.
«جاقىندا عانا جاناشار اۋىلىنداعى بازادا ەكى اپتالىق جاتتىعۋ جيىنىن ويداعىداي وتكىزدىك. وليمپياداعا باراتىن ءۇش بوكسشىمىزعا كومانداداعى وزگە سپورتشىلار كومەككە كەلدى. قازىر قۇراما مۇشەلەرى ازداعان ءۇزىلىس الدى. 8 شىلدەدە قايتا جينالامىز», دەدى باس باپكەر.
سونداي-اق قۇراما پاريجدە باق سىنايتىن بوكسشى قىزدارعا سپاررينگ قارسىلاس اپارماق نيەتتە.
«21 شىلدەدە پاريجگە ۇشىپ كەتەمىز. كەيىن سول جاقتاعى جاعدايعا قاراي جاتتىعۋدى جالعاستىرامىز. بوكسشى قىزدارىمىزدىڭ جاعدايى جاقسى. ولاردى وليمپياداعا ناعىز بابىندا اپارۋ − ءبىزدىڭ مىندەتىمىز.
وليمپيادا ويىندارىنا ءۇش قىزعا سپاررينگتىك سەرىكتەس بولاتىن تاعى ءۇش بوكسشىنى الىپ كەتۋدى جوسپارلاپ وتىرمىز. ازىرگە ناقتى كىمنىڭ باراتىنىن اقىلداسىپ جاتىرمىز», دەدى ە.سايدالين.
