دەپۋتات بۇلاندى اۋدانىنداعى قاراوزەك اۋىلىندا تۇرعىندارىمەن كەزدەسۋدە اققايىڭ اۋىلىنداعى سۋ قۇبىرىن كۇردەلى جوندەۋ جانە جاڭعىرتۋعا قاجەتتى قارجى ءبولۋدىڭ ىقتيمال تەتىكتەرىن تالقىلادى.
بۋراباي اۋدانىندا نۇرلان بەكەنوۆ بىرقاتار ماڭىزدى جوبانى ىسكە اسىرۋ بارىسىمەن تانىستى. ولاردىڭ قاتارىندا ششۋچە قالاسىندا جىلۋ جەلىسىن سالۋ, حالىقتىڭ الەۋمەتتىك وسال توپتارى ءۇشىن تۇرعىن ءۇي ساتىپ الۋ, سونداي-اق ناۋرىزباي باتىر اۋىلىنداعى سۋ قۇبىرىنىڭ قۇرىلىسى دا بار.
نۇرلان بەكەنوۆ بۇل جوبالاردىڭ ماڭىزدىلىعىن اتاپ وتە كەلىپ, ولاردى ىسكە اسىرۋ جەرگىلىكتى حالىقتىڭ ءومىر ءسۇرۋ ساپاسىن ەداۋىر جاقسارتاتىنىنا سەنىم ءبىلدىردى. ء«بىز ساپالى تۇرعىن ءۇي جاعدايى, تۇراقتى جىلۋمەن قامتاماسىز ەتۋ, تازا اۋىزسۋعا قول جەتكىزۋ ادامدارعا قانشالىقتى ماڭىزدى ەكەنىن بىلەمىز. وڭىرلەرمەن بىرگە جۇمىس اتقارا وتىرىپ, ءبىز ءاربىر تۇرعىننىڭ ەرتەڭگى كۇنگە دەگەن سەنىمىن وياتۋ ءۇشىن بۇكىل پروبلەمالىق ماسەلەلەردى شەشۋگە تىرىسامىز», دەدى سەناتور.
