اتالعان وقيعاعا وراي قازاقستان پرەزيدەنتى قاسىم-جومارت توقاەۆ قۇتتىقتاۋ حات جولدادى. مەملەكەت باسشىسى ەكى ەل اراسىنداعى قارىم-قاتىناس تۇراقتى كوپجاقتى ستراتەگيالىق ارىپتەستىكتىڭ اسا جوعارى دەڭگەيىنە شىعارىلعانىن جەتكىزدى. قاسىم-جومارت توقاەۆ مادەني جانە گۋمانيتارلىق بايلانىستاردى ەلدەرىمىز بەن حالىقتارىمىزدى جالعايتىن زاماناۋي التىن كوپىر دەپ اتادى. پرەزيدەنتتىڭ سوزىنشە, شىۇ ءسامميتى قارساڭىندا ەكى ەل مادەني ورتالىقتارىنىڭ اشىلۋى مەن ءبىلىم بەرۋ, عىلىم جانە تۋريزم سالالارىندا, باسقا دا بىرقاتار بىرلەسكەن جوبالاردىڭ ىسكە قوسىلۋى ۇلكەن ماڭىزعا يە. قازاقستان باسشىسى ەكىجاقتى دوستىق ءارى قاراي دا نىعايا بەرەتىنىنە سەنىم ءبىلدىردى.
جاڭا ماۋسىمنىڭ اشىلۋ راسىمىندە قكپ وك ناسيحات ءبولىمىنىڭ مەڭگەرۋشىسى, قىتاي مەدياكورپوراتسياسىنىڭ باسشىسى شەن حايسيۋن ءسوز سويلەدى. ول قىتاي مەن قازاقستان ورتاق تاۋلار مەن وزەندەر بايلانىستىرعان جاقسى كورشىلەر, جاقسى دوستار جانە جاقسى ارىپتەستەر ەكەنىن ايتتى. سونداي-اق ول قحر توراعاسى سي تسزينپين بىرلەسكەن جىبەك جولىنىڭ ەكونوميكالىق بەلدەۋىن قۇرۋ باستاماسىن العاش ءدال قازاقستاندا ىلگەرىلەتكەنىن ەسكە سالدى. جانە دە 11 جىل بەدەرىندە ەكى ەلدىڭ ء«بىر بەلدەۋ – ءبىر جول» قۇرىلىسىن بىرلەسىپ سالۋدا ايتارلىقتاي تابىسقا قول جەتكىزە العانىن ايتتى. شەن حايسيۋن قىتاي مەدياكورپوراتسياسى الەمدەگى جەتەكشى باق-تىڭ ءبىرى بولا وتىرىپ, قاشاندا قىتاي مەن قازاقستان حالىقتارىن جاقىنداستىرۋعا ىقپال ەتۋگە ۇمتىلعانىن مالىمدەدى. قىتاي مەدياكورپوراتسياسى باسشىسىنىڭ سوزىنە قاراعاندا, «سي ءتسزينپيننىڭ سۇيىكتى قاناتتى سوزدەرىنىڭ» جاڭا ماۋسىمى قىتاي كوشباسشىسىنىڭ قىتاي وركەنيەتىنىڭ قايتالانباس رۋحىن, جاڭا ءداۋىردىڭ ماڭىزى مەن جاھاندانۋ قۇندىلىقتارىن تەرەڭ تۇسىنەتىنىن ايعاقتايدى. شەن حايسيۋن قىتاي كلاسسيكاسىنىڭ دانالىعى باسقا ەلدەر كورەرمەندەرىنە دە قولجەتىمدى بولاتىنىنا, ال قازاقستان تۇرعىندارىنىڭ قىتايدىڭ وتكەنى, بۇگىنى مەن كەلەشەگى تۋرالى كوبىرەك ءبىلىپ قانا قويماي, قىتايدىڭ بۇكىل ادامزاتتىڭ بەيبىت دامۋىنا ۇمتىلىسىنىڭ العىشارتتارىن تۇسىنەتىنىنە سەنىم ءبىلدىردى.
قازاقستاننىڭ ساياسي توپتارى مەن باق وكىلدەرى باعدارلامالار تسيكلىنىڭ كورسەتىلىمدەرى باستالۋىن تاعاتسىزدانا كۇتىپ وتىرعاندارىن مالىمدەدى. سونداي-اق ولار «سي ءتسزينپيننىڭ سۇيىكتى قاناتتى سوزدەرىنىڭ» جاڭا ماۋسىمى قازاقستان كورەرمەندەرىنە قىتايدى جاقسىراق تانىپ-ءبىلىپ, قىتاي مادەنيەتىنىڭ بارلىق تاماشا قىرلارىن سەزىنۋگە مۇمكىندىك بەرەتىنىن اتاپ ءوتتى. بۇعان قوسا ولار ەكى ەل بۇقارالىق اقپارات قۇرالدارى اراسىنداعى ىنتىماقتاستىق تەك كەڭەيە تۇسەتىنىنە, مۇنىڭ قىتاي-قازاق دوستىعى نەگىزدەرىن نىعايتۋعا سەپتىگىن تيگىزەتىنىنە سەنىم ءبىلدىردى.
«سي ءتسزينپيننىڭ سۇيىكتى قاناتتى سوزدەرىنىڭ» ءۇشىنشى ماۋسىمى قازاق تىلىندە «اتامەكەن بيزنەس» تەلەارناسىنىڭ ەفيرى مەن قازاقستاننىڭ باسقا دا مەدياپلاتفورمالارىندا كورسەتىلەتىن بولادى. وندا قحر توراعاسى سي تسزينپين سويلەگەن سوزدەرىندە نەمەسە ءوزىنىڭ ماقالالارىندا قولدانعان قىتايدىڭ كلاسسيكالىق تۋىندىلارىنان, كونە اڭىزدارىنان, تاريحي جانە فيلوسوفيالىق تراكتاتتارىنان دايەكسوزدەر جيناقتالعان. ولار قىتاي كوشباسشىسىنىڭ ساياسي دانالىعىن, تاريحي ۇردىستەر مەن دۇنيەتانىم تۋرالى تۇسىنىگىن ايعاقتايدى.
