قولعا ۇيرەنگەن قۋ تۇلكى

مىنە, ەكىنشى ايعا اينالىپ بارادى, الپىس ايلالى قۋ تۇلكى تاڭەرتەڭگىلىك مەزگىلدە «سەۆكازەنەرگو» اق-قا كەلۋ داعدىسىنان بىردە-ءبىر جاڭىلعان ەمەس. مەكەمە قىزمەتكەرلەرى ونى ۇيلەرىنەن اكەلگەن جىلى-جۇمساقپەن تاماقتاندىرىپ, ابدەن قولعا ۇيرەتىپ العان سىڭايلى. – باستاپقىدا تۇلكى ەكە­نىن اڭعارعان جوقپىز. قاڭ­عىباس يتتەردىڭ ءبىرى شىعار دەپ جورامالدادىق. ەكى كوزى مولدىرەگەن ءسۇپ-ءسۇي­كىمدى ءتۇز تاعىسى ارنايى ورىنعا قويىلعان تاماققا جاقىنداۋدان ۇركەكتەپ, كوپكە دەيىن بويىن اۋلاق سالىپ ءجۇردى. كەيىن ادامداردىڭ وزىنە جاماندىق ويلامايتىنىن سەز­دى بىلەمىن, بىرتە-بىرتە ۇيرەنىسە باستادى. جاقىننان سۋرەتكە ءتۇسىرىپ الۋ مۇمكىندىگىنە دە يە بولدىق, – دەيدى ءباسپاسوز ورتالىعىندا جۇمىس ىستەيتىن يگور تاتارچەنكو. كەيبىرەۋلەر «شاقى­رىل­ماعان قوناقتىڭ» بۇل «قىدىرىسىن» مەكەمەنىڭ قالىڭ ورمانعا تاقاۋ ورنالاسۋىمەن بايلانىستىرسا, ەكىنشىلەرىنىڭ پىكىرلەرى قارنى اشقاننان كەيىن ەلدى مەكەندەردى جاعالاعان بولۋ كەرەك دەگەنگە سياادى. بىلتىر قىتىمىر قىستىڭ قىسىمىنا شىداي الماعان ەلىكتەر مەن تيىندەر دە وسىندا «قىستاپ» شىعىپتى. تابيعات قورعاۋ سالاسىنىڭ ماماندارى جىل وتكەن سايىن تۇلكى سەكىلدى ءتۇز اڭدارى­نىڭ كوبەيىپ كەلە جاتقانىن جەتكىزدى. ماسەلەن, سميرنوۆ قورىعىندا 2013 جىلى بار-جوعى 36 تۇلكى بولسا, بىلتىر 268-ءدى قۇراپتى. ءومىر ەسقالي, «ەگەمەن قازاقستان». سولتۇستىك قازاقستان وبلىسى. سۋرەتتى تۇسىرگەن يگور تاتارچەنكو.