فوتو: gov.kz
بۇل اۋقىمدى ءىس-شارا ىشكى ىستەر ءمينيسترىنىڭ توراعالىعىمەن, پرەزيدەنت اكىمشىلىگى, ۇكىمەت اپپاراتى, ورتالىق مەملەكەتتىك جانە جەرگىلىكتى اتقارۋشى ورگاندار وكىلدەرىنىڭ قاتىسۋىمەن وتكەن ەسىرتكىگە قارسى شتاب وتىرىسىندا اشىلعان بولاتىن. بارلىق وڭىردە اكىمدىكتەرمەن ەسىرتكىگە قارسى الدىن الۋ ءىس-شارالارىن وتكىزۋ جوسپارلارى بەكىتىلدى.
ەسىرتكىگە قارسى رەسپۋبليكالىق ايلىق كەزىندە ەلىمىز بويىنشا 5 414 ءىس-شارا, ونىڭ ىشىندە 310 اكتسيا, 103 سەمينار, 427 ءدارىس جانە 359 كەزدەسۋ, 113 دوڭگەلەك ۇستەل, 432 سپورتتىق جارىس, 150 پروفيلاكتيكالىق سيپاتتاعى بايقاۋ ءوتتى. ونىڭ جۇمىستارىنا ناركولوگ-دارىگەرلەر, ەرىكتىلەر, جەرگىلىكتى اتقارۋشى ورگانداردىڭ وكىلدەرى, ۇكىمەتتىك ەمەس ۇيىمدار مەن ءبىلىم بەرۋ مەكەمەلەرىنىڭ قىزمەتكەرلەرى قاتىستى.
«280 مىڭنان استام ءجاسوسپىرىم مەن جاستاردى قامتىعان ءىس-شارالاردا ناركولوگ-دارىگەرلەر جانە سالاماتتى ءومىر سالتىن قالىپتاستىرۋ ورتالىقتارى وزەكتى ماسەلەلەر بويىنشا ازاماتتارعا كەڭەستەر ۇيىمداستىردى. بارلىق وڭىردە ۇكىمەتتىك ەمەس ۇيىمدارمەن بىرلەسىپ, ەسىرتكى سايتتارىنىڭ جارناماسى بار گراففيتي-جازۋلاردى انىقتاۋ مەن ءوشىرۋ جۇمىستارى جۇرگىزىلدى. وعان 500-گە جۋىق ەرىكتى قاتىسىپ,
6 مىڭنان استام گراففيتي بويالدى», دەيدى ءىىم ەسىرتكى قىلمىسىنا قارسى ءىس-قيمىل دەپارتامەنتى باستىعىنىڭ ورىنباسارى باقىتجان ءامىرحانوۆ.
استانادا «حان شاتىر» ساۋدا-ويىن-ساۋىق ورتالىعىندا, سونداي-اق ەسىل وزەنىنىڭ جاعالاۋىنداعى امفيتەاتردا «استانا – ەسىرتكىسىز قالا!» اكتسياسى ۇيىمداستىرىلدى. اۋقىمدى ءىس-شاراعا وتاندىق ەسترادا جۇلدىزدارى مەن سپورت ساڭلاقتارى, ۆوكالدىق جانە بي ۇجىمدارى قاتىستى. 23 ماۋسىمدا الماتىدا «Sadu Arena» سپورت كەشەنىندە ءىىم ەسىرتكى قىلمىسىنا قارسى ءىس-قيمىل دەپارتامەنتى گرەپلينگتەن حالىقارالىق تۋرنير وتكىزدى. وعان ءبىزدىڭ ەلىمىزبەن قاتار تۇركيا, ازەربايجان, قىرعىزستان, وزبەكستان جانە تاجىكستان ەلدەرىنەن مىڭعا جۋىق سپورتشى قاتىستى.
وسىنداي اۋقىمدى ءىس-شارالار رەسپۋبليكا بويىنشا ءوتتى. «حالىقارالىق ناشاقورلىققا قارسى كۇرەس كۇنىنە وراي ىشكى ىستەر ءمينيسترىنىڭ بۇيرىعىمەن جەرگىلىكتى اتقارۋشى ورگاندار مەن ازاماتتىق قوعامنىڭ 110 وكىلى گراموتالارمەن, العىسحاتتارمەن ماراپاتتالدى. اتالعان ءىس-شارالار جايىندا باق-تا 4 259 جاريالانىم شىقتى. ودان بولەك Instagram, Facebook, YouTube جانە TikTok سەكىلدى الەۋمەتتىك جەلىلەردە رەسپۋبليكالىق ايلىقتىڭ بارىسى كەڭىنەن ناسيحاتتالدى», دەدى ءىىم وكىلى ب.ءامىرحانوۆ.
