ء«بىزدىڭ اتا-بابالارىمىز ەجەلدەن وسىنداي جارىستار ۇيىمداستىرعان. ولارعا دەگەن قىزىعۋشىلىق بۇگىنگى كۇنى قايتا جاندانىپ كەلەدى. «تولاعاي» – تەك جارىس قانا ەمەس, سالاماتتى ءومىر سالتىن ناسيحاتتايتىن سايىس. سوندىقتان ءبىز مۇنداي جارىستاردى ۇيىمداستىرۋ ارقىلى تۋعان جەرىمىزدىڭ داڭقىن ارتتىرۋدى كوزدەيمىز. جاستار ءبىزدىڭ باتىرلارىمىزدىڭ رۋحىمەن تاربيەلەنۋگە ءتيىس», دەدى شارانىڭ سالتاناتتى اشىلۋىندا ءسوز العان الماتى وبلىسىنىڭ دەنەشىنىقتىرۋ جانە سپورت باسقارماسىنىڭ باسشىسى ەربولات سارابەكوۆ.
«تولاعاي» الىپتار سايىسىنا 18 جاستان اسقان, سالماعى 90 كيلودان جوعارى جانە سپورتتىق دايىندىعى بار ەرلەر عانا قاتىستى. ءوڭىردىڭ بارلىق اۋدانىنان كەلگەن الىپتار باسەكەلى جارىستا بىرنەشە اتالىم بويىنشا باق سىناستى. تارقاتار بولساق, 10 كگ نايزانى وڭ نەمەسە سول قولمەن نىساناعا لاقتىرۋ, 1 مينۋت ىشىندە ۇزىندىعى جارتى مەترلىك تەمىر شىبىقتى جەلكەدە بۇگۋ, سالماعى 100 كگ بولاتىن تاستى بەلگىلى ءبىر قاشىقتىققا كوتەرىپ تاسىمالداۋ, سالماعى 100 كگ بولاتىن بورەنەمەن ءبىر مينۋت ىشىندە وتىرىپ-تۇرۋ, سونداي-اق سالماعى 500 كگ بولاتىن اربانى ءبىر مينۋت ىشىندە جىلجىتۋ سىندى سايىستارعا قاتىسىپ, تولاعاي كۇش يەسى ەكەندىكتەرىن دالەلدەۋگە تىرىستى.
تولاعايلار سايىسىنىڭ قورىتىندىسىندا ىلە اۋدانىنان كەلگەن ەۆگەني ينكين 1-ورىن يەلەنسە, ەكىنشى ورىنعا كەگەن اۋدانىنىڭ تۇرعىنى العالى نۇرسۇلتان تۇراقتادى. ال جۇلدەلى ءۇشىنشى ورىنعا تالاستا تالعار اۋدانىنىڭ تولاعايى مىرزاتاي باعلاننىڭ باعى جانىپ, تۋرنير جەڭىمپازى اتاندى.
الماتى وبلىسى
