فوتو: ۇكىمەت
ەنەرگەتيكا سالاسىنداعى ينۆەستيتسيالىق ىنتىماقتاستىقتى تەرەڭدەتۋ ماسەلەلەرى قارالدى. شىمكەنت مۇناي وڭدەۋ زاۋىتىنىڭ وندىرىستىك قۋاتىن ارتتىرۋ جونىندەگى بىرلەسكەن جوباعا ەرەكشە نازار اۋدارىلدى. كەزدەسۋگە قاتىسۋشىلار جوبانىڭ اعىمداعى كەزەڭىن تالقىلاپ, نىساندى ۋاقىتىلى پايدالانۋعا بەرۋ ءۇشىن جاڭعىرتۋ قارقىنىن جەدەلدەتۋ نيەتىن راستادى.
شىمكەنت ءموز-ءىن كەڭەيتۋدى ەسكەرە وتىرىپ, زاۋىتتى شيكىزاتتىڭ جەتكىلىكتى كولەمىمەن قامتاماسىز ەتۋ جانە كەڭقياق – اتىراۋ, كەڭقياق – قۇمكول مۇناي قۇبىرلارىن كەڭەيتۋ شارالارى قارالدى. قازىرگى ۋاقىتتا قازاقستان جانە قىتاي ساراپشىلارى قاجەتتى ەسەپتەر جۇرگىزىپ جاتىر.
كەزدەسۋ بارىسىندا ولجاس بەكتەنوۆ پەن داي حوۋليان «بەينەۋ – بوزوي – شىمكەنت» گاز قۇبىرىنىڭ ءبىرىنشى جەلىسىن سالۋ جانە ىسكە قوسۋ بويىنشا تابىستى جۇزەگە اسىرىلعان بىرلەسكەن جوبانى مىسالعا الا وتىرىپ, گاز سالاسىنداعى ىنتىماقتاستىقتى ودان ءارى ارتتىرۋ پەرسپەكتيۆالارىنا توقتالدى.
ۇكىمەت باسشىسى بىرلەسكەن كاسىپورىندار تابىستى ءارى ەكونوميكالىق جاعىنان ءتيىمدى ەكەنىن ايتتى. سونىمەن قاتار پرەمەر-مينيستر جەرگىلىكتى تاۋار وندىرۋشىلەرمەن جانە قىزمەت كورسەتۋشىلەرمەن تىعىز ءوزارا ءىس-قيمىل جاساۋ ارقىلى جەرگىلىكتى قامتۋ ۇلەسىن كەزەڭ-كەزەڭىمەن ۇلعايتۋدىڭ ماڭىزدىلىعىن اتاپ ءوتتى.
«قازاقستان دا كوپتەگەن ەلدەر سەكىلدى, ەلدىڭ ەنەرگەتيكالىق قاۋىپسىزدىگىن قامتاماسىز ەتۋ بويىنشا ستراتەگيالىق مىندەت قويىپ وتىر. ەڭ الدىمەن, بۇل – مۇناي وڭدەۋ قۋاتتارىن قۇرۋ جانە جاڭعىرتۋ. ءبىز شىمكەنت مۇناي وڭدەۋ زاۋىتىنىڭ وندىرىستىك قۋاتىن ارتتىرۋعا ەرەكشە كوڭىل بولەمىز. ءبىزدىڭ بارلىق جوبالارىمىزدى ىسكە اسىرۋداعى باسىمدىقتاردىڭ ءبىرى – جەرگىلىكتى قامتۋ ماسەلەلەرى. ەگەر ەلىمىزدە قاجەتتى تاۋارلار نەمەسە جابدىقتار وندىرىلمەسە, وندا ولاردى جاقىن ارادا قازاقستان اۋماعىندا لوكاليزاتسيالاۋ ماسەلەسىن بىرلەسىپ پىسىقتاۋدى ۇسىنامىز», دەدى ولجاس بەكتەنوۆ ۇكىمەتتىڭ بىرلەسكەن جوسپارلاردى ىسكە اسىرۋدا اشىق ءارى سىندارلى ديالوگقا دايىن ەكەندىگىن راستاي وتىرىپ.
