فوتو: lada.kz
lada.kz مالىمەتىنشە, WhatsApp قولدانۋشىلارى وقيعانىڭ 14-ءشى شاعىن اۋداندا بولعانىن ايتىپ حابارلاما جولداعان. ۇرلىقتان كەيىن ەر ادام عيماراتتىڭ جەرتولەسىندە بولىپ, قىزمەتتىك قارۋىمەن وزىنە وق اتقان.
وقيعا ورنىندا جەدەل-تەرگەۋ توبى, دارىگەرلەر مەن سوبر قىزمەتكەرلەرى جۇمىس ىستەپ, جەرتولەگە كىرەتىن ەسىكتى قورشاۋعا العان. مارقۇمنىڭ 1981 جىلى تۋعان ازامات ەكەنى انىقتالدى.
قالالىق پوليتسيا دەپارتامەنتىنىڭ ءباسپاسوز قىزمەتى وقيعانى راستادى.
«ۇرلىق جانە ءوز-وزىنە قول جۇمساۋ فاكتىسى بويىنشا اقتاۋ قالاسىنىڭ پوليتسيا باسقارماسى قىلمىستىق ءىستى تىركەدى. قازىرگى ۋاقىتتا تەرگەۋ شارالارى جۇرگىزىلىپ جاتىر», دەپ حابارلادى دەپارتامەنت وكىلدەرى.
تەرگەۋ مۇددەسى ءۇشىن وزگە دە مالىمەتتەر جاريا ەتىلمەيدى.
